美少女X老爹鞋　台灣美少女戰士不對稱變身器老爹鞋超可愛！

台灣Gracegift不嬲都出開美少女戰士商品，今次推出美少女戰士不對稱變身器老爹鞋，一推就引爆熱潮，童年回憶加上復古老爹鞋真係有1+1大於2嘅效果，著上佢變身成為復古美少女啦~

呢對老爹鞋係美少女戰士「月光派對」風格系列，品牌以率性風格打造派對中閃耀注目焦點！全對鞋以柔軟牛紋皮質打造，以白色為底色，結合小兔專屬桃色透明鞋底，加上旁邊月同樣式嘅變身器，真係太吸引！

連鞋舌帶都係美戰印花，背後仲有新月圖案，超細緻呢！而且佢仲配有７CM彈力內増高墊，唔止美腿仲有減震效果，著上即刻擁有美腿~