孔雪兒音樂節表現瘋狂走光　粉絲轟炸經理人公司

人氣女團THE9成員孔雪兒外形火辣又甜美，身形靚絕嘅佢早兩日就已經升呢同影后趙薇出席活動，隔兩日佢就即刻要去音樂節活動做表演嘉賓，見佢以一身肚兜上衣加迷你裙嘅超Hot打扮上陣，又唱又跳Solo曲《Call Me By My Name》，身材極盡養眼，不過佢一轉身，竟然就激嬲Fans！

原來係當佢唱跳表演時，因為迷你裙過短，令佢喺台上不斷走光，加上舞蹈動作過激，裙下風光瘋狂外洩，雖然已經有紅色打底褲「護體」，同男Dancer互動時更意外掀起短裙，激到粉絲前往孔雪兒工作室社交網留言痛批：「你家藝人今天solo舞台轉身的的時候有點走光了，你能看到嗎？不要挑戰我們的極限」、「底下那角度全走光了，你有病吧」孔雪兒本人則是開心感謝今晚到場支持佢：「謝謝成都的朋友，今天的小鯉魚打卡下班，接收到你們的熱情啦，超級開心。我們下次舞台見！」完全不受走光意外影響。

東網網站 : https://on.cc/東網Facebook專頁 : https://www.facebook.com/onccnews/