雲浩影回應個唱票價偏高　出盡渾身解數讓歌迷回本

有「仙氣女神」之稱的歌手雲浩影（Cloud）今日（14號）偕陳柏宇及黃淑蔓等出席慈善活動啟動禮，各自在台上獻唱歌曲，現場有不少粉絲舉牌支持。

Cloud將於8月假麥花臣舉行一連兩場處女個唱，但有指其VIP票價為1,500元，比同唱片公司的鄧麗欣及「一哥」馮允謙的紅館個唱票價更高，創下該場館個唱門票最貴的本地歌手紀錄。問到個唱票價偏高？她表示由公司決定，不過曾跟公司反映過：「我知我啲粉絲多數係學生，我都有睇大家意見嘅，但我都控制唔到，（門票貴過師兄師姐喎。）我哋有一對一合照福利，惟有喺演唱會度畀多啲技能，會氹到大家好開心，令大家感覺回本啦。（係咩技能？）賣個關子啦。」至於音樂人男友T-Ma如何支持她？她就透露對方會幫她練歌。

Cloud又透露演唱會綵排得如火如荼，不過現時病未完全康復，所以尚有病聲，要盡快調理，她說：「喺台灣拍MV時病咗，依家好番啲，（愛情滋潤幫你唔到？）維他命C或者好啲，（愛情能醫百病喎？）未聽過喎，（男友肉痛你病？）正常囉，大家都會生病嘅，佢都有買藥畀我，但我唔鍾意睇醫生，但有免費醫療就會睇，不過嗰時喺台灣工作嘅，同埋食咗藥已經好返好多，咪繼續食成藥頂住先囉。」更謂因要保重身體，所以要遠離患感冒的黃淑蔓，更笑言：「我都講笑話，會唔會以為我哋不和㗎？」

另外 ，被網民指她跟林峯老婆張馨月及韓星張元英撞樣，她反應頗大謂：「吓？我覺得兩個都唔似，大家有唔同風格，（啲網民話你似張元英，即引起網上罵戰？）應該要罵啦，張元英靚咁多，佢九頭身，1米8咁高又瘦，（講樣喎？）咁多謝大家抬舉啦。」

而陳柏宇（Jason）下星期將和馮允謙、肥仔（梁業）及阿Dee（何啟華）齊開騷，屆時他會唱其他歌手的作品，包括肥仔及阿Dee的ERROR歌曲。問到可會跳舞？他笑言會「郁吓」，又望演唱會後有更多跳舞機會，問是否打算轉做跳唱歌手？他指自己是「跳吓」歌手。他又謂因工作忙，加上不想在又貴又逼的旺季旅行，估今年留港過暑假，又說：「以前同老婆、囡囡（Abigail）去都唔怕，依家多埋阿妹（Audrey），帶阿妹就會想帶埋婆婆，無謂同人逼。（連工人姐姐，對住5個女人好辛苦？）還好，長期都係咁，對住一屋女人。今日連舅母加另外兩個小朋友，有8個女人，睇戲學識『唔好講咁多，應講則講』呢啲求生技能。」

東網網站 : https://on.cc/東網Facebook專頁 : https://www.facebook.com/onccnews/