韓國過江龍香港唯一韓式吉列豬扒專門店 ꜀^. ̫.^꜆

之前喺濟州食過最難忘嘅估唔到係吉列豬扒今次試吓香港呢間Kyung Yang Katsu @kykatsu 先
餐廳標榜用咗韓國產豬肉有三款部位同唔同醬汁配搭雖然只賣吉列豬扒但都會選擇困難!!

◦ 吉列豬扒 & 豬柳套餐
經典款式一次試到兩種部位豬柳會較軟熟豬扒就有彈性啲連住脂肪香口啲不過兩款肉汁都略少
我覺得韓國產豬肉優點在於都幾重肉味又唔會好肥膩
炸漿都做得薄同酥脆而且可以牢牢包住豬肉
另外韓式嘅點係配咗韓式前菜飯之外仲有冷麵更清爽
調味料都好多元化每件可以唔同食法

◦ 雜錦三款吉列豬扒
男人就揀咗呢個多花款啲仲要一次試到三隻味 — 拉絲芝士番薯慕絲火雞醬
全部同樣有多蜜醬做base 比起我嗰份呢個味道會更豐富更送飯而且份量超大!!!