碧咸大仔布魯克林婚禮DJ現身說法　拆解羅生門

英國前球星碧咸（David Beckham）的大仔布魯克林（Brooklyn）2022年與美國豪門女星妮歌娜佩絲（Nicola Peltz）結婚，傳出碧咸嫂Victoria搶跳第一隻舞加劇婆媳糾紛，導致日後家變局面，布魯克林早前更於社交網站列出父母罪狀，包括指控Victoria「不恰當地」與他跳舞。為布魯克林婚禮打碟的DJ Fat Tony，昨日（23日）現身電視節目《This Morning》，拆解羅生門事件，證實布魯克林的說法。

DJ Fat Tony憶述負責表演的拉丁男星Marc Anthony主持婚後第一隻舞環節：「下一刻，大家都預期係妮歌娜出嚟跳第一隻舞，但Marc Anthony就叫『全場最靚女人』同布魯克林跳，跟住講Victoria個名。Victoria喺台邊，之後上台，當然布魯克林嗰刻突然大受打擊，因為佢以為自己會同新婚妻子跳第一隻舞。跟住妮歌娜就喊住咁離開會場，布魯克林被困喺台上。咁佢哋就開始跳，Marc Anthony就話『放你隻手喺阿媽屁股上面』，呢樣係拉丁傳統。成件事對在場所有人都好尷尬。」他指Victoria沒有跳「辣妹」式辣舞，但也隨着拉丁情歌，將手圍住布魯克林的頸。而妮歌娜離開會場後，她的家人亦都跟上。

DJ Fat Tony又表示：「恰唔恰當係睇布魯克林點樣感受。如果佢覺得不恰當同尷尬，咁就係不恰當同尷尬。但最尷尬係，婚禮嗰晚發生嘅事，喺第二朝早上成為賓客話題。」他指第一隻舞事件只是大問題中的一小部份。另外，有知情者透露Victoria與妮歌娜早就在婚禮事件前，互看不順眼，溝通非常少。

東網網站 : https://on.cc/東網Facebook專頁 : https://www.facebook.com/onccnews/