警告市民極端天氣下「追風逐浪」將被檢控 卓孝業：唔好嘗試同大自然作對

【獨媒報導】本港去年9月經歷500年一遇的特大暴雨，全港多處水浸。政府表示已全方位強化四大策略，包括「超前準備」、「加強預警」、「果斷應急」及「迅速復原」，以應對極端天氣情況。政務司司長陳國基提到，市民在颱風下「追風逐浪」將被檢控，「我哋嘅目的係要收一個阻嚇作用。」保安局副局長卓孝業則態度強硬：「唔好淨係為咗追求自己嘅刺激或者一啲成就感，就嘗試去同大自然作對，你係唔會成功！同埋我哋嘅拯救人員，無論發生咩情況之下，我哋嘅拯救都係義無反顧，但係請你唔好將我哋放喺危險位置嗰度！」

9官員穿黑色背心出席記者會 提強化四大策略

政府下午舉行強化應對極端天氣策略聯合記者會，多名高級官員出席，包括政務司司長陳國基、副司長卓永興、運輸及物流局局長林世雄、發展局局長甯漢豪、環境及生態局局長謝展寰、民政及青年事務局局長麥美娟、保安局副局長卓孝業、勞工處處長陳穎韶，及天文台台長陳栢緯，他們都身穿黑色背心出席記者會。

當局提出全方位強化四大策略，包括「超前準備」、「加強預警」、「果斷應急」及「迅速復原」，以應對極端天氣。康文署將提高市民安全意識，加強宣傳教育例如製作短片，及加強泳灘廣播，提醒市民切勿以身犯險。對於不聽勸告的市民，陳國基明言當局會果斷執法：「如果有足夠嘅證據，更加會提出檢控。我哋嘅目的係要收一個阻嚇作用。」

記者問陳國基，當局對在颱風下「追風逐浪」的市民具體執法理據，舉例指市民行山、衝浪及岸邊打卡是否都不被鼓勵，並會由警方現場跟進。陳國基表示，不少市民在風暴期間仍前往已關閉的海灘拍照、滑浪，除了危害生命外，更會影響救援隊伍的工作：「不單止係唔鼓勵，亦都要禁止。」

被問檢控理據 卓孝業稱可封閉場地、票控違法人士

卓孝業稱，如果市民在惡劣天氣情況下，包括天文台已發出相關警示下，仍前往行山、追風逐浪，「呢個係一個非常之高風險嘅活動」：「我係勸喻大家唔應該做。甚至有啲人呢，明知去到個海灘見到紅旗見到浪，我哋有同事喺現場勸喻佢哋，佢哋都唔停止。我覺得呢啲人應該譴責𠻹！因為佢哋唔單止罔顧自己嘅生命安全，佢亦都罔顧佢出事嘅話，我嘅緊急救援人員都要冒生命危險去救佢。」

保安局副局長 卓孝業

至於執法理據，卓孝業稱現時法例已賦權政府封閉場地，包括海灘、郊野公園，當局或在特殊情況宣布封閉，就違法人士作票控，可以罰款2000元及監禁14天。他表示，在惡劣天氣下會以救援人員為首要：「我哋唔會上山搵人，叫人落返嚟，亦都唔會落海，拖人返嚟。」

陳國基及後補充說，「當局最唔想就係執法」，希望市民能夠自覺，但如果有人屢勸不改便要執法，「始終都係有人會不聽話嘅。」他強調當局會情理兼備，希望先透過教育，令市民收阻嚇作用，「好過犯咗之後去拉去告。」

政務司司長 陳國基

幾時用緊急警示系統？ 卓孝業：天然災害包括海嘯才動用

至於秏資1.5億元設立的緊急警示系統，有記者關注，當局今次的部署未有提及該系統。卓孝業重申，該系統用作應對突發情形，包括嚴重威脅市民財產的事故：「呢啲咁嘅突發情況，係我哋冇辦法預測，我哋先至用呢個緊急警示系統畀所有市民知道。」

卓孝業舉例稱，本港如發生天然災害包括海嘯，即從預測至發生只有短暫時間的情況，當局才會動用緊急警示系統通知市民「發生緊咩事」，及從低窪地區轉移到高地等。

兩地已優化機制 深圳考慮排洪已要通知香港

對於深圳去年9月在排洪前45分鐘始通知香港，卓孝業強調，深圳在一般情況下會給予3小時通知，屬可預計情況，但在特殊、緊急及不可預計的情況下：「佢哋係會盡早通知我哋個排洪決定，當然我哋都理解未必係理想。」

卓孝業最後表示，當局早前已與深圳討論優化機制，即深圳在特殊情況下，在考慮是否排洪的情況下，便要通知本港。

版權: 禁止衍生