韋家雄演活過氣江湖大佬　何啟南棄「御用奸人」洗底從良　

無綫小品親情劇《麻雀樂團》，昨晚（6日）焦點落在劇中「麻甩三兄弟」的「反枱」戲碼，這場長達5分半鐘的兄弟攤牌戲，三位好戲之人飆戲之作，簡單又生活化的「麻甩對白」，集溫情與搞笑於一身，令觀眾會心微笑。

「阿威」（韋家雄飾）因發現了「阿強」（何啟南飾）與「宗叔」（姜大衞飾）暗地見面，在「阿久」（譚俊彥飾）面前向阿強大興問罪之師。「阿久」譚俊彥問到宗叔出幾錢收買阿強時，獲知是200萬後，阿久先爆出一句激氣，接着說：「你係咪想激死我呀…我係你呀，我開三球半呀！」韋家雄的難以置信表情，之後終忍不住拋出一句：「喂！搞咩呀！呢個時候係咪應該爆佢樽啦？！」3人「麻甩式打鬧」合力炮製一場「逆思維反枱戲」。

有無綫「御用奸人」之稱的何啟南，「擅長」姦淫擄掠及心狠手辣角色，何啟南也曾笑言「出街會嚇親人」，對於監製刻意幫何啟南「從良」，不少網民驚嘆何啟南終於不用再做奸角。監製羅永賢（Marco）受訪時表示與啟南相識多年，好想將真正的何啟南展現出來：「咁多年嚟觀眾睇到嘅佢都係好高傲、好奸同好有壓力嘅角色，我私下認識嘅佢其實係好踏實嘅人，所以今次將呢個江湖大佬拉番去好嘅位，由著筆挺西裝變做著爛鬼背心踢拖，希望帶出到個反差感，同埋其實啟南嘅喜劇節奏都好準㗎！希望大家會鍾意。」

韋家雄飾演李佳芯哥哥，爆炸頭造型獲網民封「TVB市井王」，監製笑言整個造型重點是要一味夠out：「韋家雄其實轉數好快，再加埋佢好有喜感嘅肢體語言，做呢個過氣江湖大佬其實係好有嗰種味道！佢個造型我得一個英文字，就係out字，好花嘅恤衫、好攣嘅頭，佢真係為咗咁去電髮，仲要加咗撮白色嘢。」韋家雄在片場中以「爆肚」馳名，譚俊彥透露其中一場戲，被韋家雄無厘頭一句爆肚：「泌尿科聖手、專業抓龍筋…原來係麻甩佬嚟嘅！」激到掟嘢，因效果好，獲導演加戲要求再掟多幾次，十分搞笑。

東網網站 : https://on.cc/東網Facebook專頁 : https://www.facebook.com/onccnews/