/Brass Spoon 🇭🇰/ #sa中環篇

brass spoon 最近選址係中環威靈頓街重開
佢地曾經仲榮獲米芝連推介！
所以都會想試下～
整體嚟講覺得佢哋嘅湯底幾濃郁
河粉軟滑亦都幾掛湯略嫌湯底有少少油
但係整體其實都唔錯
另外佢哋亦都推出咗越式烤雞法包
頗有特色❤️

火車頭pho $155
呢款河粉會比較豐富而且隻碗都比較大
差唔多有齊晒所有配料
入面有牛丸、牛肉、扎肉、牛柏葉等
牛丸好Juicy ~ 牛肉質感就係
有啲似安格斯嗰種
有嚼勁得黎肉質幾柔軟！
仲有兩種唔同嘅部位～

安格斯牛小排pho $133
整體嚟講我都幾鍾意雖然得牛肉
但係已經夠晒滿足❤️
又可以按自己喜好配搭加埋羅勒、辣椒 🌶️
Pho 湯底雖然有少少油但幾濃郁！
係用牛骨廿四小時熬製而成～

烤雞越式法包 🥖
今個月開始會喺Southside 分店推出嘅法包
即叫即整份量幾大
share咗之後都好似好多😆
麵包幾軟熟如果外皮再脆啲就好啦
入面會有烤雞唔算太過嚡口
仲會有啲類似雞肝醬調味味道濃郁
感覺幾有特色！

越南咖啡 $45
今次揀咗凍咖啡比想像中容易入口
加咗煉奶甜度啱啱好～夜晚飲完都無失眠🙈

椰青 $49
夠晒清甜而且入面仲食到椰子肉
應該係店家幫我哋刮埋出嚟幾細心😆

📍Brass Spoon

@brassspoon
中環威靈頓街50號華威大廈地下A號舖

生活