黑雨｜愛民廣場水浸男子玩遙控船「雨中作樂」 網民：將軍澳可玩潛水艇(有片)
本港昨晚起再有大驟雨，天文台約6小時內兩度發出黑色暴雨警告信號，預計會至少維持至今日下午5時。暴雨連場下多處都出現水浸，有人「雨中作樂」，在水浸的商場內放遙控船。
有網民上載一條影片，現場相信是何文田愛民邨商場愛民廣場，當時為晚上，大雨導致商場內部份地下位置水浸，水位浸過腳背形成小水池。一名赤腳男子隨即在「水池」放遙控船，遙控船在水中穿梭飛馳，男子玩得不亦樂乎，畫面估計現場約有2、3人一起放船。
影片惹來不少網民大讚稱，「嘩！好正」，「香港人最識得苦中作樂」、「男人的快樂就係咁簡單」、「原來一早超前買咗貨，依家你就爽啦」、「再過多幾個鐘頭可以放潛艇」，「機會係留返比黑雨唔洗上班的人」、「屋企冇得玩，唯有出街玩」、「忽然間有一個大場可玩」、「終於唔洗(使)搵水池玩」、「愛民廣場呢個位大雨例浸」、「咁大雨仲出船，有咩事又要消防員嚟救你」。更有人提議「好快有機會玩遙控航母，買定看門口」、「將軍澳可以玩潛水艇」、「再黑雨可以滑到落旺角」。亦有人批評「水應該好污穢，渠水滿出來」、「洗街水同倒灌水污糟到呢」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)