李蔓瑩撇甩伍允龍　「胸」猛睇戲

藝人伍允龍早前認愛「宅男女神」李蔓瑩（Renee），不單止同遊主題樂園，更孖咇睇騷咬耳仔，甚是甜蜜。而昨日（9日）Renee撇低男友，孖友人入場睇4DX版本的《創戰紀：戰神降臨》（Tron: Ares），並在社交網分享片段，留言：「係我睇過4DX最勁嘅一套戲！好難得大會可以影低我哋睇戲時嘅反應，睇番真係覺得自己好似玩緊機動遊戲咁。」

片中，身穿緊身上衣的Renee坐在動感座椅上，隨着電影情節不斷搖晃顛簸，其澎湃上圍更是「胸」猛，不斷晃動，相當震撼，難怪網民紛紛表示：「睇你好過睇戲」、「我又錯Fo啦」、「睇到我嘩嘩聲」。Renee睇完戲後，直言又好玩又夠癲，可以將海陸空都體驗一番，推薦大家入場體驗，而她還留下貼士：「溫馨提示就係～真係唔好買爆谷入去。」