愛‧還記得｜孫慧雪陳國峰初合作即拍咀嘴戲 黃文標演活腦退化父親

電影《愛‧還記得》將於9月25日與觀眾見面，電影由孫慧雪、陳國峰、黃文標領銜主演，並集合王瑋彤、陳頴嵐、岑珈其、奧米嘉儀、白雲等實力派演員演出，電影來自真人真事改編，關於愛情、家庭與承諾的動人故事。

劇情主打逆境愛情，並加入溫馨家庭元素。故事講述阿文（陳國峰飾）與阿儀（孫慧雪飾）十多年前相識相愛，卻因年少氣盛而分手。多年後重遇，阿文依然放不下這段情緣，決心收起放蕩，踏實生活。此時阿儀卻因父親（黃文標飾）患上腦退化症，既要承擔照顧責任，又在工作上屢受挫折，巨大的壓力甚至讓她出現病徵。阿文則因學歷不足難以找到穩定工作，兩人在逆境中能否緊握彼此之手，共同走過難關，成為電影的核心命題。

戲中孫慧雪以校服造型演學生時代的叛逆學生，被問到重拾校裙的感覺：「校裙去到大髀，都有著PE褲打底嘅，但就要減肥拍攝。」陳國峰角色演繹深情男，導演要求依真實主角髮型，故以長髮造型演年少角色。

2人初合作便拍咀嘴戲，國峰指是自己要求的：「因為成個劇本，我嘅角色都好深情，好似成套戲要有惜嘅畫面係豐富啲。」孫慧雪爆大鑊：「係囉，但係佢好怕醜，唔惜埋嚟，我諗緊Cam roll咗咁耐都未有人惜埋嚟嘅？咁就我惜埋去喇。」國峰笑言：「我戲中嘅角色係需要咁演。」

在現實生活中，孫慧雪和陳國峰已為人妻和人夫，2人對於婚禮的誓詞，認為是一大學問，孫慧雪說：「講到無論健康、疾病，都要繼續一齊行落去，我就即刻爆喊，喺艱難嘅時候，有時真係想放棄，你要回頭諗番呢段誓詞，同埋開頭嗰個決心，因為太多人唔會認真去對待，如果唔係唔會有80%離婚率，所以就係《愛‧還記得》。」陳國峰表示兩夫妻要面對很多事情，最重要溝通，雙方都要為婚姻努力經營。

黃文標飾演患上腦退化症的父親，角色戲分重而具挑戰性，他坦言今次戲分較以往豐富，能夠突破以往「御用收數佬」反派角色，透過細膩演技詮釋病患者的無助與家庭重擔，展現了入行35年的深厚演技功力。

問到事前有什麼準備？黃文標說：「我媽媽臨走之前，都有少少腦退化，我喺佢嗰度攞一啲感覺出嚟，所以都有啲媽媽嘅影子，自己都有啲感觸，媽媽不至於帶畀我好大嘅麻煩，但我都會唔開心，點解佢見到我會嗌我家姐個名？好似套戲入面，我食咗飯，但話畀個女聽我未食飯，係都要個女去煮，煮咗之後又食唔到，因為已經食飽咗，會有呢啲問題；同埋睇多啲戲，留意多啲身邊嘅人，攞一啲生活感，記喺個腦度，到拍戲嘅時候就攞返出嚟。」

（即時娛樂）