根據德國圖片報消息　拜仁有興趣簽入畢爾包翼鋒歷高威廉斯　拜仁體育總監有機會喺今晚歐國聯比賽重點考察威廉斯

根據圖片報記者David Verhoff消息，拜仁有興趣簽入畢爾包翼鋒歷高威廉斯，拜仁體育總監已經將威廉斯列入轉會名單都有一段時間。事實上，威廉斯係上年歐國盃大放異彩，更重要嘅係威廉斯同其他翼鋒唔同(好似里奧或者三笘薫)，拜仁唔需要為咗威廉斯轉會同畢爾包進行談判🙂

根據之前報導威廉斯同畢爾包有個6000萬歐羅解約金條款，雖然呢筆轉會費同埋威廉斯人工加埋一齊唔會好平，但同幾位候選翼鋒對比之下都比較實惠。今晚係德國🇩🇪史特加主場將會有法國🇫🇷對西班牙🇪🇸歐國聯四強比賽，消息指兩位拜仁體育總監有機會去到現場考察威廉斯，威廉斯可以再次係德國向拜仁高層展示自己實力😎

根據英國記者Ben Jacobs消息，歷高威廉斯最近同畢爾包展開初步續約談，雙方討論緊一份年薪接近1000萬歐羅合約。如果雙方達成協議，解約金條款有機會提高，但暫時未知道續約會唔會成功😶