灣仔燒味店　私房菜鋒膳竟然賣平民價燒味飯

私房菜鋒膳竟然賣平民價燒味飯Σ(Ꙭ )!
食過鋒膳本店索價近200蚊既焗豬扒飯同叉燒蛋飯之後一直回味但又未捨得再去
而家可以去同樣位於灣仔既燒味店 — 發達叉燒 @fatjcharsiuhk
佢主力只賣三款燒味：叉燒豉油雞同埋燒鵝貴精不貴多
只係貴過一般燒味飯少少但呢三樣如果係中高價位既中菜廳出現我都認為係屬於絕不失禮既水準
以後經開灣仔都想斬料返屋企了～

◦ 叉燒雙蛋飯
叫得發達叉燒當然要試叉燒啦⌯’Ⱉ‘⌯
然後配煎雙蛋整返碗黯然銷魂飯可惜煎雙蛋唔係燶邊蛋
叉燒係標準半肥瘦肉質細緻軟腍得來仲有彈性但燶邊得個別一兩嚿有少少
佢調味都幾好唔會過甜仲食到豬嘅肉味總括黎講係高質既叉燒

◦ 茅台醬油雞燒鵝飯
平時我麻麻哋燒味嗰種豉油雞我比較鍾意深色嗰種
但係呢一間改左我觀加茅台落去個醬油後食落竟然會香左咁多師仲勁細心地去晒骨連雞翼都係雞肉仲極嫩滑
燒鵝咁啱賣晒鵝髀嗚嗚不過其他位都好食既好耐冇食過仲係脆既鵝皮而且整體都唔太肥鵝肉算軟熟