香港估估吓：《喜劇之王》盒茄蛋飯賣幾錢？

近排「霞姨」出山賣月餅，相信大家都知道「霞姨」的出處源自周星馳（星爺）的電影之一《喜劇之王》（King of Comedy），內容主要講述一個實力派演員，在明星制度下難有出頭的苦悶，而此電影也是星爺最後一部在香港拍攝的電影，其後到中國大陸發展，因此對於港人來說甚有情意結。

電影中有一幕是星爺需要飾演一名外賣仔，並攜帶一盒裝竊聽器的茄蛋飯，配合吳孟達飾演的臥底搗破賊窟，當中星爺與賊人的對答，既緊張又惹笑，重點對白節錄如下：

星：周星馳 　賊：賊人

星：多謝廿五個半

賊：咁貴既？

星：加底嘛

賊：唔加底呢？

星：三十六個八

賊：唔加底仲貴過加底？

星：唔加底十二個二

賊：加底呢？

星：三十六個八

賊：頭先你又話廿五個半？

星：啊係，廿五個半

賊：今朝早餐賣咩？

星：咩話？

賊：今朝早餐賣乜嘢？

星：火腿蛋囉

賊：幾錢呀？

星：十二個二

賊：加底呢？

星：廿五個半

賊：乜早餐都有加底既咩？

星：咁你加兩條腸都得既

賊：咁我加夠三條腸要幾多錢啊？

星：唔好啦

賊：幾多錢啊？

星：我係送外賣架咋

賊：我問你幾多錢啊？

星：我唔知啊

賊：幾多錢？

星：我真係外賣仔黎架！

賊：你唔係外賣仔！