士多啤梨嘅季節又黎啦！ 日本7-11推出士多啤梨三文治
12月開始又係士多啤梨嘅季節，日本7-11都因應推出士多啤梨三文治(300円連稅)，一上架就造成網民熱話~大家去日本一定要去買黎試試！
今次7-11使用嘅士多啤梨係靜岡代表紅頰，紅頰係相對比較大粒嘅品種，糖度高(平均糖度12~13度)而帶有微酸，士多啤梨味道濃厚，而且出貨量高，價格親民，自然成為便利店採用首選。
今次推出嘅係士多啤梨吉士忌廉三文治，所使用嘅吉士都大有來頭，用咗甜品師傅御用的「Egg Royal（エグロワイヤル）」雞蛋，令到成個吉士都充滿香濃嘅蛋味，加上鬆軟嘅忌廉，同高甜度嘅士多啤梨真係Perfect Match！
同場加映：28/12將推出士多啤梨菠蘿黃桃三文治(270円連稅)，三種酸甜水果結合創造新風味～同樣用咗Egg Royal雞蛋，大家都不妨去試下啊！