香港估估吓：華英雄手中嘅到底係咩劍？

經典香港漫畫《中華英雄》係知名漫畫人馬榮成嘅得意之作，男主角華英雄命犯天煞孤星相信大家都唔會陌生，雖然佢係注定無伴終老、孤獨一生，但係伴隨佢嘅仲有忠僕鬼僕，以及隨佢闖蕩天下、行俠仗義嘅赤劍！

赤劍外形簡約，但係劍身赤紅晶瑩，使用時輕巧靈動又能削鐵如泥，喺華英雄施展《中華傲訣》時更加係發揮無盡殺傷力。而赤劍雖然係華英雄家傳寶劍，但係赤劍卻係由華英雄祖先華文采不擇手段，從打造赤劍的赤家後人手中奪得，而華文采後人繼續保存赤劍之餘，同時在赤劍劍鞘當中放上一封信，信中交代華家如何施毒計奪得赤劍一事，亦囑咐華家後人應好好補償赤家。而後來華英雄之所以得知此事，原因正是與日本刀術高手無敵決鬥時，赤劍被無敵打斷，令華英雄從而得知劍鞘中藏有華家祖先之信。