韓國海鮮刺身　嘆濟州海螯蝦 、海螺 、鮑魚｜紅磡｜韓兄弟

平時出post都會做好多資料搜集，睇下間餐廳了解下啲嘢食咁，不過今次呢間睇一條片就夠，就係上年mm黎做嘅訪問，可能大家都睇過，因為果陣都爆紅咗一排，Keep住爆場，因為呢間真係香港最特別嘅韓國菜。

去過濟州嘅網友都知，韓國真係好多海鮮，呢間亦係唔少在港韓國人飯堂，黎食得呢到先有嘅家鄉刺身。睇返訪問，原來大廚當年韓國當兵，都係喺海軍做廚師，原來做海軍，真係會特別多海鮮食。

-
🍱濟州季節限定活海鮮刺身
🥢濟州海螯蝦 🥢海螺 🥢鮑魚
🥢八爪魚 🥢海菠蘿 🥢海參 🥢海菜
呢啲刺身都係濟州空運，都係韓國嘅活海鮮，香港其他地方極少見，可能得呢到先食到，連鮮甜嘅海螯蝦、海菠蘿、海參刺身都有，仲配上唔同嘅韓國醬料。

🥢比目魚 🥢皇帶魚
而呢兩款活魚刺身更加係必食招牌，皇帶魚就係傳說中嘅地震魚，香港應該真係冇呢啲刺身；而比目魚係白身魚，一向肉質爽甜，又有比目魚嘅油份，仲有齊唔同部位。

🍲比目皇帶魚骨湯 ($268；加手工麵)
韓國人最鍾意飲完嘢整煲熱湯，呢煲主要用皇帶魚、比目魚、海螯蝦嘅骨殼熬成，咁多新鮮海鮮煲起，真係非常非常鮮甜，仲可以落埋佢地自家嘅手工麵黎食。

🐙海鮮煎餅 ($98)
其實黎呢到食過兩次，兩次都非常鍾意佢地嘅煎餅，韓國大廚嘅自家食譜，望落好正路，但真係外脆內軟，厚薄餅粉比例都啱啱好，沾埋啲醬超正。

🦑特色濟州烏賊凍湯 제주한치물회
🍜炒辣八爪魚拌麵
🥓炸比目魚
🐚Chef Eddy‘s 濟州海螺新派菜
今次因為韓國海鮮節，估唔到仲食到Chef Eddy梁偉浩嘅手勢，即係節目一飯封神果位大廚，佢係鴨脷洲都有間私房菜，聽講都唔易book。

-
韓兄弟 @hanbros_hongkong
🗺️紅磡崇潔街27&63號地舖
📞2663 2773
❇️海鮮刺身呢啲應該會按時令翻貨，如果有咩想食，book位問定好啲~

▼Follow foodiegogoooo
Instagram: https://www.instagram.com/foodiegogoooo/