鍾柔美派粉紅泳裝夏日福利　首度回應男友人觸碰Pat Pat拍拖傳聞

鍾柔美（Yumi）今日（2日）出席美容活動，為活動擔任表演嘉賓，首度露面回應緋聞，否認早前與同行男友人拍拖，並解釋為何二人有近距離接觸。Yumi心情亦未受緋聞影響，傍晚時分更分享多張遊船河靚相，身穿粉紅泳裝，大派夏日福利。

Yumi早前被拍到與一名穿著背心男生在戲院甜蜜睇戲，雖然二人戴著口罩及帽子，一直保持低調，散場後卻於暗黑的通道中親密互動，男方更拍到輕拍Yumi的臀部及肩膀，甚至依偎在她的肩膀上，舉止甜蜜如熱戀情侶，態度親暱。

Yumi今日現身回應緋聞，否認對方是男朋友。「我講明先，嗰個男仔係我同學嚟㗎，佢係好gentlemen，佢都好照顧其他同學，所以千祈唔好誤會，如果真係有咁距離（摸Pat Pat）我會出聲，大家唔好諗咁多。」她又表示，對方與自己就讀同一科，大家在學校認識。

被問到有否空間發展？Yumi表明二人沒有發展空間，又表示公司未有過問拍拖一事。「反而我係好清楚自己要啲咩，所以如果，真係萬一有啲咩嘅決定，我就一定會同大家講。」她直言只當對方是同學，覺得對方對自己沒有意思。「至於話佢挨埋嚟嗰啲片，可能我太矮，聽唔到佢講嘢，變咗每一次佢同我講嘢都要挨低個身。」

Yumi傳出緋聞後，心情未受影響，反而更容光煥發。活動結束後，Yumi在社交網公開多張遊船河靚相，穿上粉紅色泳衣大曬青春本錢，不時騷出小蠻腰，又伸脷及擺出不同甫士，心情大好！