港式英文｜What X You Say？開PO想鬧爆米線店「XX」！港女IG「港式英文」笑爆網民

港式英文｜香港作為「國際都會」，多年嚟英文都備受重視，由70年代起唔少人一有機會，就會努力學英文，就算唔識都要中英夾雜落力扮識，所以Konglish（港式英文）就因而產生。不過並唔係人人都睇得明呢啲Konglish，更有港女曾用Konglish大鬧米線鋪，到底佢點鬧法？即刻睇睇！

撰文：海月｜圖片來源：LIHKG｜編輯：odin

港式英文｜港女IG「港式英文」笑爆網民

香港作為「國際都會」，多年嚟英文都備受重視。不過舊時70年代並唔係人人都有機會學英文，不過因為形象問題所以就算唔識都要中英夾雜落力扮識，所以Konglish（港式英文）就因而產生。不過並唔係人人都睇得明呢啲Konglish，更有港女曾用Konglish大鬧米線鋪，大家又睇唔睇得明？

相信大家睇完都一頭冒水，完全唔知事主講梗乜？唔緊要，唔少網民都睇唔明，而有網民根據經驗去將港女一文成功「翻譯」：

我無錢啦，所以我求其去咗間噏耷嘅米線舖一個人食晚餐。

但係我意識到個地方太污糟同埋噏耷，同埋周圍嘅人都好污糟同核突，所以我認為我嘅食物都好核突。

同埋有一秒我想嘔，同埋我放棄進食，同埋我喊咗，因為我好慘。

當睇到港女以Konglish發文，唔少網民都覺得非常好笑，因為港式英文通常都係一句起、兩句止，今次係首次見到成段使用，更直言「難過公開試文言文！」。而以Konglish發文港女更被網民「肉搜」，發覺原來更係名校出身，驚覺「真係要學好英文」。大家平時又見得邊啲Konglish港式英文最多呢？