陸永老婆貪靚累事驚現爛面　面部浮腫滿是紅印

藝人陸永與太太陳莉娜（Reina）2011結婚後育有2女，11歲大女陸一穎（Hannah）及10歲細女陸一心（Sim Sim）。陳莉娜喺過去好長一段時間暫別社交網，直至近期先再度活躍起來，不時都會喺社交平台分享日常及開Live與網民互動。

日前佢喺社交網貼出自拍相，相中佢面部浮腫，布滿大大小小嘅紅印，就連眼皮都浮腫到有啲張開唔到，面容相當嚇人。佢解釋自己試咗新嘅產品，怎料成塊面因敏感變成咁，但佢已經食藥及敷抗敏用品，情況逐漸好轉。其實今次敏感已經唔係佢第一次，之前佢因打「水光槍」而搞到自己成面血，仲試過去紋嘴唇導致嘴巴流血不止，腫成「孖膶腸」，治療咗一個星期先回復靚樣。

東網網站 : https://on.cc/東網Facebook專頁 : https://www.facebook.com/onccnews/