梁舜燕曾歷親人離世 忍痛開工超敬業｜好日子

TVB最近熱播的電視劇《好日子》以圍村作背景的故事，由陳煒（煒哥）、黃智賢及張達倫等主演，除了主角外，一眾配角都十分出眾，包括飾演黃淑儀奶奶的梁舜燕（Lily姐）。Lily姐入行已62年，是圈中的老戲骨，她多才多藝在事業上順風順水。不過，Lily姐曾先後經歷兩次至親離世，更因此一度難以走出陰霾，幸好有家人陪伴渡過難關。

撰文：Kammy｜圖片來源：節目截圖，阮浩棕Instagram，新傳媒集團圖片庫

梁舜燕從影62年

現年87歲的梁舜燕（Lily姐），1957年起加入演藝圈，先後擔任電視節目配音、以英語報新聞，後來更參演電視劇，當年被麗的電視英國總公司的刊物以「香港第一電視女士」（The First Television Lady Of Hong Kong）來稱呼她。Lily姐多年來拍過多套電視劇，當中以《真情》的「上等人」梁尚燕一角最為人熟悉，Lily姐亦有參演最近熱播的電視劇《好日子》，劇中飾演黃淑儀奶奶齊張結彩。

與初戀情人結婚

梁舜燕14歲時因演舞台劇而認識初戀情人阮黎明，17歲時與對方結婚。不過，Lily姐當時卻遭父母反對，只因不贊成她太早結婚，後來Lily姐就答應父母會繼續供養他們，婚才可順利進行。二人婚後先後育有4名子女，一家人幸福滿瀉。

經歷2次親人離世

對於親人離世，不是人人都可以承受。1998年，梁舜燕的幼子阮惠熊因吃減肥藥而出事，導致肺炎以及器官衰竭離世。當時，Lily姐正拍攝《真情》，要「白頭人送黑頭人」，對她而言十分悲痛，加上幼子與她感情特別要好，最後她只好忍喪子之痛繼續拍攝工作，十分敬業。2012年，Lily姐再次經歷親人離世，但這次卻是與她相處60多年的老伴。Lily姐與老公一直都是模範夫婦，丈夫離世前，她一直陪伴在側，一直握著對方雙手，望著老伴安詳地離去。Lily姐曾指當時的痛實在無法以言語來形容，因此她便搬離在港島的家，搬到九龍區方便家人照顧。

靚仔乖孫闖演藝圈

梁舜燕的家族中，其孫子阮浩棕（Nicholas）都同樣加入了演藝圈。現年28歲的Nicholas品學兼優，中學時就讀喇沙書院，其後入讀香港科技大學修讀經濟系。Nicholas本想畢業後投身銀行界，但因大學時曾修讀「音樂與戲劇」課程激發他的興趣，因此加入演藝圈發展。

2013年，Nicholas報讀藝員訓練班入行，他曾主持兒童節目《Think Big 天地》，亦拍攝過《EU超時任務》、《為食神探》等劇集，近年則主力在內地發展。Nicholas雖然是Lily姐的孫仔，但他卻沒有把這關係掛在嘴邊，反想靠自己努力去發展。

直到早前梁舜燕慶祝入行60年，二人才正式公開關係，當時Nicholas更發長文讚揚Lily姐：

無錯，呢位雍容華貴、儀態萬千嘅女士，唔只係我《EU超時任務》入面嘅婆婆，更加係我現實中嘅親嫲嫲（唔好再問點解唔同姓呢個問題，我係跟爺爺姓，嫲嫲係阮梁舜燕女士）
熟悉我嘅朋友應該知道，入行初期Lily姐孫仔嘅呢個身分為我帶黎巨大壓力。眾所周知，嫲嫲係一個好值得尊重，敬佩嘅前輩，我當時真係好怕好怕好怕自己做得唔好會失禮我嫲嫲，甚至影響佢嘅名聲。而且屋企一向都係相當低調，再加上自己想測試自己能力可以走到幾遠，所以並無將呢個身分比大眾知道。今日，適逢離開咗舊公司離開咗香港發展，以及為嫲嫲慶祝入行六十年嘅晚宴擔任司儀嘅契機，覺得時機成熟，可以話比大家知。（當然，我未有信心自己夠好會唔失禮佢老人家哈哈哈哈）

記得入行初期，曾經同佢老人家講過，我希望有一日大家唔會叫我做梁舜燕嘅孫仔，而係大家會話妳係我阮浩棕嘅嫲嫲。今日諗番起呢句說話先知道自己幾咁不知天高地厚。係為晚宴籌劃嘅過程入面，先真真正正了解到嫲嫲偉大之處，而我亦覺得花盡一生都唔能夠去到佢嘅高度，甚至乎只係一半都未必得。

話嫲嫲係香港電視圈第一人，相信唔會有任何異議。佢係1957年伴隨麗的映聲開台入行，做過第一代新聞主播，參演第一套直播劇，主持第一個遊戲節目、第一個婦女節目，首位連續四屆獲得最受歡迎女藝員獎項嘅演員，甚至獲得 The First Television Lady of Hong Kong 香港第一電視女士嘅榮譽。佢除咗拍過無數劇集，更加係80年代參演過4部荷李活電影。佢亦開辦過香港首批美容院、儀態學校，改變過好多女性嘅命運。嫲嫲嘅威水史當然唔能夠盡錄，但佢嘅謙卑，將佢嘅成就同輝煌掩蓋，甚至係我作為佢嘅至親，唔係準備今次嘅活動都唔可能了解到咁多⋯

作為一個後輩，Lily姐係好值得我地敬重。作為一個親人，我亦以「我係梁舜燕孫仔」嘅身分自豪。晚宴結束嘅時候，汪呀姐同我講，嫲嫲係一切嘅開始，而我有責任比大家知道，梁舜燕呢三個字，係我地行業係有幾重嘅份量。
如果嫲嫲係開始，我有責任傳承同延續。我會時刻保持係嫲嫲身上學到嘅謙卑、專業，繼續勇敢走落去，延續呢個家庭係呢個行業嘅故事。