Babyface使出四大絕殺　梁敏巧：我覺得你靚仔咗

TVB戀愛綜藝《女神配對計劃》上周首播後掀起熱話，當中曾展望（GM）向心儀女神葉蒨文（Sophie）表白一幕，令節目及兩位當事人齊齊人氣高企。經過第一集上半場海選，葉蒨文Sophie及關嘉敏Carman的3個心動名額經已額滿，梁敏巧Maggie及李芷晴Stephanie則依然未揀到啱心水男士。本周出場的眾多參賽者中，最讓人期待的是一直苦苦追求Maggie的Babyface。

承接上周節目尾預告， Babyface將於本周第二集登場，就連花生團的森美及戴祖儀亦表示期待，森美：「睇吓監製夠唔夠膽畀Babyface入。」戴祖儀：「我願意用自己條鏈畀佢入去追Maggie。」報稱現職KOL，年薪超過36萬的Babyface，還未「開幕」已先聲奪人向Maggie示愛：「唱歌搞笑我專長，你肯揀我你實變強。眼見Maggie唔識反應，向來敢作敢為的Sophie即爽快幫忙撳燈令Babyface有出場表白機會。為了贏得苦戀已久的女神芳心，Babyface使出四大爆笑冧女絕殺，派心、唱情歌、耍拳及Ironman式示愛。

Babyface一見到Maggie，即出奇不意向女方大送「心心」。之後，自稱偶爾會獲邀登台唱歌搞氣氛的Babyface，按主持阿Bob要求獻唱飲歌《黑玻璃》，雖然全程甩beat兼與原作有頗大出入，但依然唱得投入，還將最後一句歌詞改為「情路背後藏～Maggie」，再配以自信滿滿的情深眼神。

為向Maggie展示Man爆一面，Babyface即席表演拳擊，令全場女神為之驚艷。最後，被Maggie要求行到其面前作「霸道總裁式」示愛的Babyface，先來一招靜止時間長達半分鐘的Ironman式招牌動作、配以有力眼神向Maggie展示超強愛意。雖然以上四招搞笑成份居多，但最後Babyface以一招出奇不意的終極大絕，令現場所有女神、阿Bob、甚至花生團都大為感動，近距離直擊「Babyface大絕」的葉蒨文驚嘆：「好真心呀！我好近距離見到佢嘅眼神。」羅毓儀：「佢呢吓好Man呀！」就連當事人Maggie，亦坦言被感動，並大讚今次再見Babyface，感覺對方各方面都進步不少：「我覺得Babyface由內到外都進步咗好多，你靚仔咗。」

而葉蒨文Sophie及曾展望GM這一對，在第二集中亦有不少甜蜜互動。事緣本周日一集除了有海選下半場，還會率先曝光配對成功後的首輪「約會」，每位女神都會獲得與自己3位心儀男士共晉晚餐的機會，不過她們不但要同一時間與3位男士進餐，製作組還將飯枱設計成三角形，意指被安排坐在中央位置的女神，整餐飯都會被三位男士重重包圍。第一位出場的Sophie，雖然全程落力搵話題兼搞氣氛應付這個尷尬場面，但一句「死喇，我唔知望邊」已充份展現不知所措面。不過當GM步入會場後，Sophie即時回復輕鬆自如狀態，並半帶開心及興奮向GM打招呼：「Hello，曾展望！」GM亦識做地大讚Sophie：「好靚喎你今日！」豈料卻換來Sophie撒嬌責問：「平時唔靚咩？」。