2014年由曾志偉監製嘅《女人俱樂部》，因為卡士勁又有綽頭，當年叫好又叫座！無綫將於周三（9日）開始，喺深夜12：30時段重播，又再成為劇迷大事。六年前，一班少女版女主角因此結為好友，當中有人嫁咗、有人做埋媽媽，不過友情依舊！
撰文、圖片：東方新地
M Club女大轉變逐個數
當年《 女人俱樂部 》搵來一班電視台新面孔飾演少女版女主角，（左起）賴慰玲飾演少女張慧儀、吳嘉熙飾演少女袁潔瑩、陳瀅飾演少女陳慧珊、王敏奕飾演少女李麗珍、細細粒嘅糖妹（黃山怡）做少女葉蘊儀、陳嘉寶係少女李若彤，而吳燕菁就飾演少女江欣燕，個個外貌清純。
陳嘉寶、賴慰玲、王敏奕已升呢人妻 M Club女大轉變逐個數！《 女人俱樂部 》好睇在由八十年代拍到現代，懷舊又經典嘅服飾完全召喚一代人嘅集體回憶，而一班少女演員亦因此成為閨蜜。呢六年間，陳嘉寶同賴慰玲率先搶閘成為人妻兼人母。由𡃁模起步到加入電視台拍劇，當年24歲嘅陳嘉寶，於17年與初戀男友黃頌祈結婚，如今已經係兩個女兒嘅媽媽。19年1月長女 Hosanna 出世，今年九月，連大肚都可以收收埋埋，完全守住秘密嘅陳嘉寶再生下細女 Eliana，雖然已為人母，不過陳嘉寶仍然少女感十足。陳嘉寶、賴慰玲、王敏奕已升呢人妻 M Club女大轉變逐個數！演藝學院畢業嘅賴慰玲，經老師羅冠蘭推薦加入電視台，17年奉子同舞台劇演員男友梁子峰成婚。17年8月結婚、12月產子，做咗媽媽後賴慰玲繼續拍劇，憑著精湛演技，喺無綫演出機會愈嚟愈多，角色亦愈嚟愈吃重。去年王敏奕也嫁為人妻，同拍拖六年嘅導演兼曾志偉之子曾國祥喺日本結婚，好姊妹糖妹、陳瀅都有飛去道賀。陳嘉寶、賴慰玲、王敏奕已升呢人妻 M Club女大轉變逐個數！今年九月，星夢娛樂亦舉行盛大記招宣布王敏奕加盟，識琴識唱識演戲，仲有老爺曾志偉同老公曾國祥撐腰，大好形勢做星夢一姐。相比起當年飾演嘅 Diana，陳瀅少咗啲 baby fat，添了幾分成熟韻味。拍完《 M Club 》後，觀眾緣不俗嘅陳瀅繼續獲無綫力捧，劇接劇形象入屋，18年索性全權將經理人合約交畀邵氏兄弟，今年無綫重頭劇《 七公主 》，陳瀅都有份。十年如一，永遠一張娃娃臉嘅糖妹黃山怡，就繼續歌視兩棲生涯，可惜上月本來與糖兄再次合體舉行嘅音樂會，因為疫情而取消。除唱歌拍劇外，識飲識食嘅糖妹主持工作都唔少，最近仲開埋個人YouTube Channel 教煮教食。本來係 Super Girls 成員嘅吳嘉熙繼續做歌手，近年仲單飛發展出埋處女碟。今年度新作品係同余香凝合唱嘅〈 天地分裂 〉。拍完《 M Club 》後將事業重心放喺內地嘅吳燕菁，就繼續孖家姐以組合A2A 示人，早年內地爆紅劇 集《 我 們 的6E 班 》， 主題曲就係 A2A 主唱。陳嘉寶、賴慰玲、王敏奕已升呢人妻 M Club女大轉變逐個數！