余香凝參加龍舟邀請賽　做鼓手勇奪季軍

一群馴龍迷，繼11年前已參加一年一度的香港國際龍舟邀請賽，適逢夢工場動畫《馴龍記》的真人版大電影於6月中正式上映，團隊當年以季軍姿態勝出龍舟賽事後，今年再度將熱血集結，更由金像影后余香凝（Jennifer）領前做鼓手，一眾熱愛龍舟運動兼馴龍迷的好友組成，以鼓聲節奏帶領「馴龍記」龍舟隊出戰！

各支隊伍在造型和氣勢上各出奇招，務求先聲奪人，今年參與龍舟隊伍「馴龍記」表現出色，以全員維京人造型打扮成為全場焦點，成功「扮嘢」搶鏡勇奪「扮嘢大賽」中季軍佳績，展現出非凡的團隊合作與拼搏精神，可以話與電影中維京精神不謀而合！Jennifer 表示：「我哋係『扮嘢』，但絕對唔係『hea玩』！」

今次比賽中，他們面對來自不同界別的強勁對手，憑藉默契的配合最終成功站上頒獎台，奪得第三名。Jennifer表示：「初初聽到有人搵我扒龍舟，已經覺得好正，因為自從《逆流大叔》之後，我喜歡上龍舟呢個運動！而本身龍舟隊其實係好喜歡《馴龍記》呢套電影，佢哋知道我識扒龍舟，又有幫《馴龍記》動畫版電影配過音，所以有呢個緣分一齊參與真係好難得！」她賽後更興奮表示：「能夠與隊友一起贏得季軍，真的非常開心！今次係我第一次參加國際龍舟賽事，事前同佢哋一齊喺沙田練習，嗰份熱血嘅感覺再次充滿我整個人！龍舟運動講求團隊合作，好高興佢哋參我一齊玩！」

東網網站 : https://on.cc/東網Facebook專頁 : https://www.facebook.com/onccnews/