足球｜加維起孖拉舒福特開齋　巴塞贈大邱5蛋　三連勝結束亞洲之旅

巴塞隆拿今晚（4日）在韓國上演亞洲之旅最後一場友賽，憑中場加維上半場梅開二度，另曼聯借將拉舒福特換邊後「開齋」，終以5：0大勝韓職球隊FC大邱，帶着三連勝戰績完成東征。

巴塞此戰起用17歲進攻中場柏度費南迪斯擔正，配搭射手羅拔利雲度夫斯基、兩翼拉明耶馬和拉芬夏比洛尼攻堅；全場控制戰局之下，21分鐘由加維接應耶馬傳送後左腳施射開紀錄。後衛謝拉特馬田27分鐘橫傳予「羅拔仔」輕鬆撞入，加上補時加維挑射得手，半場遙遙領先3：0。巴塞換邊後把正選11人全數調走，仍藉17歲翼鋒東尼費南迪斯54分鐘建功，以及借將拉舒福特65分鐘以一記撞射取得加盟後首個入球，終收穫一場5：0大勝。

巴塞在今夏亞洲之旅，先在日本以3：1擊退日職盟主神戶勝利船，轉赴韓國分別以7：3大勝FC首爾和5：0挫FC大邱，錄得3戰全勝。巴塞之後返回歐洲，下周一凌晨甘柏盃主場鬥意甲球會科木。