莊錠欣獲讚又靚又爽　爆吳諾弘為她爆喊

歌手莊錠欣(Elkie)與劍擊運動員吳諾弘（Lawrence）都是童星出身，原來他們識於「童年」，相識超過10年，日前Lawrence相約老朋友拍片，Lawrence表示：「由於我哋本身太熟悉嘅關係，所以唔拍訪問片，改為簡簡單單出去玩1日。」他們選擇去主題公園玩，其中一個理由是當年Elkie去韓國出道前便相約大班朋友去主題公園玩，所以今次算是舊地重遊，尋回童年回憶，Elkie爆料：「嗰時我哋成日一齊玩，到我飛嗰日，我朋友（指Lawrence）喊到喺機場縮埋一邊。」Lawrence直認因為Elkie離港不開心。Elkie去年推出歌曲《Everyday》，曾邀Lawrence一起拍跳舞片，Lawrence指之後遭朋友取笑舞姿「好樣衰」，說時2人哈哈大笑。之後回復正經，分享對雙方的第一印象，Elkie:「嗰時大家咁細個，初印象覺得佢性格好，識佢時已經開始打劍。」Lawrence就大讚她高挑又靚女，性格豪爽，跟外貌不符。問加入韓團已達成了夢想？Elkie表示：「我係出於熱愛先入韓團，又唔係達成夢想，只係達成少少目標，反而之後會諗有乜嘢可以再進步。」又指自己性格停不下來，自爆：「休息時間長啲都會唔舒服，我細個時唔識得放鬆，近年開始強制自己學習放鬆。」

東網網站 : https://on.cc/東網Facebook專頁 : https://www.facebook.com/onccnews/