圍爐取暖 如何應戰儲水式熱水爐？分十次沖定係用三合一洗護髮沐浴露？ 網民：「沖涼好似行刑」

冬天真係好想沖返個暖笠笠嘅熱水涼，唔知邊個發明咗偉大嘅儲水式熱水爐，搞到沖個涼都要同時間競賽咁，得10分鐘！一入廁所就要開始計時倒數，洗得個頭都沖唔切個身，搞到每年一到冬天個個叫苦連天，又要出post鬧個爐啦！到底點樣應戰好？

網民：「處死式熱水爐」、「死神嘅搏鬥」

入廁所前一刻要鼓起勇氣，心理質素低啲都捱唔住…

網民將成個沖涼嘅心路歷程講晒出嚟，由踏入廁所嗰刻去到沖完涼個過程，相信無用開嘅人都感受到當中嗰份辛酸，網民將佢比喻為「修行」。睇嚟屋企用儲水式熱水爐嘅人無論心、身都應該比一般人優勝。

儲水式電熱水爐嘅勇士有無呢份感受？

如果仲有泡都真係要繼續嘅…

為咗呢個冬天網民仲推出咗呢篇潮文！將連登網民同西伯利亞人比較，認為連登網民係唔怕冬天架！

應戰方法

1. 分開沖到暖為止

將身體唔同部位分開沖洗，洗頭、洗身、洗手、洗腳…如此類推，每個部位洗十分鐘，總有一個地方係暖嘅…

2. 三合一洗頭、護髮加沖涼

一Take過，減少冷卻時間。

3. 自己煲水

煲到夠沖為止，不過睇嚟要買個好大嘅煲先夠。

4. 揀一個有即熱式電熱水爐嘅伴侶

比起一個人，兩個人暖上加暖。單身嘅祝你捱過今年嘅冬天，明年再應戰！

呢啲熱水爐你又見過未？

今年儲水式熱水爐勇者你哋諗到最佳應對方法未？