巨塔之后｜陳楨怡演「野蠻惡女」向鍾鎮濤潑酒兼破口大罵

《巨塔之后》昨晚（29日）首播，除了宣萱與鍾鎮濤的世紀婚禮、王家成員釋數華麗﹑靚爆﹑型格出場惹關注外，王家四女啟心（陳楨怡飾）大鬧婚宴一幕，亦是焦點所在！對父親早有積怨的啟心，除在世紀婚宴上、不止一次大鬧父親王進濤（鍾鎮濤/B哥飾）、用酒怒潑鍾鎮濤外，還掟爛玻璃杯兼揚言與王進濤斷絕父女關係，還拋出一句：「一條人命嚟」等充滿懸念的對白，將劇情推向高潮。

陳楨怡拍劇經驗約4年，來到《巨塔之后》，陳楨怡演技挑戰再升級，談到要對著前輩B哥怒吼兼鬧爆對方，陳楨怡坦言有壓力：「睇劇本見到呢場戲都好驚訝，都係我第一次要拍潑酒同鬧人X街場口，事前我又冇同前輩B哥哥合作過，拍時個心有少少亂，因為場地好大，我要好大聲之餘、情緒又要爆發去到嗰個位。同場戲得一次機會，因為要潑酒，更加擔心嘅係，就係B哥哥話晒係前輩。」

陳楨怡感激B哥哥給予鼓勵及意見：「B哥哥真係好nice，拍之前佢同我講：『你放心潑得！』仲用好慈祥笑容望住我，畀咗好大嘅支持同鼓勵我，所以呢場戲都好順利，wide shot一次同近鏡一次就搞掂。」

陳楨怡透露掟酒杯落地是臨時增設：「嗰陣同導演夾，不如抌玻璃杯落地啦，效果好似好啲！不過我到拍嗰陣先真正抌個玻璃杯落地，都有嚇親自己，因為都幾大聲，同埋玻璃碎會散到周圍都係。嗰刻我要表現到我好嬲、唔驚咁樣！」陳楨怡表示專誠於開拍前1個月，找鄧智堅上演技堂。

相隔32年再拍無綫劇的鍾鎮濤，雖已年屆72歲，獲讚凍齡有術。B哥與宣萱真實年齡相差17歲，但演夫妻零違和、並獲讚CP感十足。

（即時娛樂）