湯馬士梅拿：德國有能力在世界盃擊敗任何對手

球壇最update

💬拜仁傳奇球員湯馬士梅拿最近接受德國天空體育訪問講到德國國家隊係今個夏天世界盃奪冠機會、未來計劃同埋今季拜仁情況🙂

1️⃣今個夏天世界盃

「德國國家隊有好似梅斯亞拿、域斯、禾特馬迪等好有天賦嘅球員，而佢哋依家有能力成為球隊關鍵球員同埋發揮重要作用，但我覺得佢哋仲未做好贏冠軍嘅準備。我哋有能力擊敗任何對手，但同時亦都有可能輸比任何對手，呢個就係我依家嘅感覺。作為德國人，我自然就希望穩定狀態可以盡快返到嚟國家隊😉。」

2️⃣今季係咪最後一個球季，你同紐亞邊個會退役先？

「有可能，但唔肯定。我同紐亞諗法都一樣，只要我哋嘅身體狀況仲可以、仍然對踢波充滿樂趣同埋對於比賽熱愛無消失。至於我同紐亞邊個退役先，我會話呢個係開放式比賽。就算今季完咗之後，我仲想再踢多一段時間，呢個只會係一個好短球季，一直踢到夏天，亦即係代表我同紐亞有機會一齊退役😎。」

3️⃣會唔會繼續留鬚？

「唔知道架，我一直對於新事物保持開放態度，但係我依家仲留意鬍鬚長度同埋造型，所以整體上嚟講好大機會繼續留鬚。我依家的確有更多時間去接觸同埋思考造型設計呢啲話題，尤其係我係加拿大呢段時間嘅生活節奏慢咗，亦都有時間參加唔同活動，之前就去咗睇NBA🙂。

4️⃣拜仁今季情況

「雖然拜仁啱啱迎接今季第一場聯賽敗仗，但係佢哋嘅基礎已經好到一個程度。我自己覺得拜仁教練進行陣容輪換已經輕鬆左好多，大家睇吓佢哋嘅正選陣容，如果佢哋贏唔到波，你可以想象到有好多人會討論。當你真正研究呢隊拜仁，你就會發現所有野都可以運作，因為基礎就係啱嘅，所有球員都非常清楚戰術理念、有咩原則同規則🤓。」