【元朗7.21】被告稱見警員到場後感安全 官問：有冇憤怒？覺唔覺得遲咗嚟？

【獨媒報導】2019年7.21元朗事件中，前立法會議員林卓廷與6男被控暴動罪，今（27日）踏入第38天審訊。第三被告陳永晞供稱，在白衣人上月台後，他離開元朗站又折返，途中多次提醒途人小心。於11時21分，陳目睹警員到達元朗站。法官陳廣池問：「見到警察到場你有咩感覺？」陳表示：「鬆一口氣，覺得現場應該安全、平靜。」陳官追問：「有冇憤怒、不滿嘅情緒？」陳回應：「好老實講少許，當時唔理解情況，好奇多過憤怒不滿。」陳官又問：「你覺唔覺得佢哋（警員）遲咗嚟？」陳表示：「少少覺得，但係事出必有因，佢哋（警員）選擇呢個時候到達，相信警方有佢哋自己嘅安排同打算。我當時冇咁多資訊去 judge（判斷）究竟發生咩事。」陳又指，自己曾駕車義載4人離開元朗。

陳表示離開時遇白衣人並勸阻 官：憑咩認為有效？

第三被告陳永晞第3日作供，繼續由代表他的資深大律師潘熙主問。陳昨稱於11時03分離開元朗站期間，曾扶一名受傷的「肥仔」出閘，並將其交給義務急救員。陳今表示，接着他見到白衣人衝向K出口，於是立即從K出口離開，沿着天橋走往形點一期商場。陳續指，他當時見到持棍狀物的白衣人衝入來，於是舉高手示意，並叫對方「唔好打、唔好追」。

其後白衣人一度接近陳，於是他繼續勸阻「唔好打」，白衣人沒有針對他作出攻擊，其後繞過他進入商場。法官陳廣池一度將「接近」聽錯成「截停」，並問陳「截停啲咩」，陳表示沒有說過截停。最後陳官決定翻聽錄音，顯示所說的是「接近」。陳官表示：「我冇抄錯」，但辯方糾正應該是「接近」。另外，陳官問：「你憑咩認為勸阻有效？」陳表示：「我冇諗憑咩，我盡力勸阻，希望佢聽得入耳啦。」陳官追問：「你唔驚會反而導致佢襲擊？」陳回答：「我冇諗咁多，淨係想佢唔好再進一步。」陳官再問：「即係唔驚？」陳表示：「我覺得佢好似冇針對我，冇真係指住我，唔係話好驚。」

陳稱屢提醒途人小心 官指片見手勢是拍手

陳於11時06分進入商場，他表示扶「肥仔」後發現自己手上沾血漬，故入洗手間洗手。在前往洗手間途中，陳遇到數名途人，於是告知對方西鐵站剛發生打人襲擊事件，提醒他們小心。陳官問該些途人在做甚麼，陳表示：「佢哋望出商場出面，覺得佢哋都係躲避緊出面嘅情況。」陳稱洗手後遇到手持武器的白衣人，對方用棍指嚇他，陳遂稱：「我係街坊，喺度住。唔好打我，唔關我事。」陳接着離開，沿扶手電梯上商場二樓，不久後再返回一樓。

陳於11時08分嘗試以電話聯絡早前失散了的同行友人 John，由於擔心其安全，故決定到元朗站找他。陳沿途不斷提醒其他途人，告知對方剛才發生襲擊事件，並要小心。片段顯示其中一次陳雙手伸前及左右揮動。陳官問：「見到你拍手掌，挹佢哋？」陳不記得自己有拍手，並強調動作代表「say no」，示意西鐵站不安全，提醒不要進入。陳官質疑：「咁你自己又行入去？」陳表示自己心急找 John，而且路上一直小心觀察是否安全，但不知其他人會否小心。

陳於11時11分從H出口進入元朗站，其後成功致電 John，得知他在列車上。陳在站內遇到 Grand Yoho 住宅管理處的職員，他們當時身穿制服，陳亦有提醒對方注意安全。另外，陳官留意到陳有提醒穿白衫人士小心，於是問：「你唔驚佢係白衣人成員？」陳表示感覺不到對方帶來威脅，亦無考慮他是否施襲者。陳官亦問：「你點知佢哋唔知西鐵站發生事件？」陳回應：「好多人好似冇發生事咁行⋯⋯如果佢哋知嘅，我咪當自己講緊廢話囉。」

陳官亦問：「你屢次話提醒途人小心，注意安全，你有冇叫佢哋不要入西鐵站？有冇叫佢哋不要入站搭地鐵？」陳不記得具體對話內容。陳官追問：「你有冇提及黑社會？」陳表示相信沒有。

第三被告 陳永晞

陳稱見警員到站 官：有冇憤怒？覺唔覺得遲咗嚟？

於11時21分，陳目睹警員到達元朗站。陳官問：「見到警察到場你有咩感覺？」陳表示：「鬆一口氣，覺得現場應該安全、平靜。」陳官追問：「有冇憤怒、不滿嘅情緒？」，陳回應：「好老實講少許，當時唔理解情況，好奇多過憤怒不滿。」陳官又問：「你覺唔覺得佢哋（警員）遲咗嚟？」陳表示：「少少覺得，但係事出必有因，佢哋（警員）選擇呢個時候到達，相信警方有佢哋自己嘅安排同打算。我當時冇咁多資訊去 judge（判斷）究竟發生咩事。」

陳稱駕車義載數人離開元朗

陳站在人群後方圍觀，見到警員及市民有「拗撬」，逗留一分鐘後覺得「冇乜好睇」並離開。陳之後沒有拍卡進入閘內，在月台觀察2分鐘後離開。陳官留意到，陳在月台時與身旁人接觸，對方「向下攞咗支嘢」，陳沒為意是甚麼。

陳之後出閘，期間成功致電 John，對方指已到達朗屏站，現正返回元朗站，兩人於11時33分在站內會合。陳及後再觀看閘內的市民及警員嘈交，不久後前往出口吸煙。

其後陳返回大堂，聽到有人想走但「而家冇晒交通工具離開」，亦有其他人安排義載。陳認為是好主意，因此駕自己的車載了4人離開元朗。陳透露於吸煙前已經與 John 分道揚鑣，陳官追問原因，陳回答：「覺得事情完晒，冇乜熱鬧好睇，散啦，聽日要返工。」陳官問：「食糖水呢？冇晒影嘅？」陳表示：「當時唔係適合嘅時間食糖水，亦都冇晒胃口。」

辯方最後問陳，有否意圖參與或曾經參與暴動；有否意圖鼓勵他人暴動；有否意圖或作出擾亂秩序行為。陳一律回答沒有。

7名被告均否認暴動罪，包括：時任立法會議員林卓廷（46歲）、庾家豪（39歲）、陳永晞（41歲）、葉鑫昇（31歲）、鄺浩林（26歲）、尹仲明（48歲）及楊朗（26歲）。

案件編號：DCCC 1106/2020、1132/2022（已合併）

審訊第37日
被告稱持喉射水為阻白衣人襲擊 官質疑倒地「孕婦」因水漬跣低而非被打

審訊第36日
居元朗被告稱去糖水店途中遇白衣人稱「今晚呢頭會有嘢」故打算往西鐵站提醒居民

審訊第35日
控方指被告與他人動作有默契、協助對方免受傷以繼續衝擊

審訊第34日
控方指被告「根本唔希望警察到」意圖留守自行對抗白衣人

版權: 禁止衍生