香港首間 fruit spirit 主題酒吧！果釀烈酒調製雞尾酒/每杯另附上「生命之水」

中環呢間新開嘅酒吧Orchard帶嚟唔少新概念，首先以 fruit spirit 為主題，亦即果釀烈酒，看酒吧牆身放滿一樽樽色彩豐富嘅型酒，可說是最貼題嘅室內設計，在此欣賞調酒師製作雞尾酒也是視覺享受。

一般人認為以生果釀製味道偏甜，但以烈酒作基調其實令味道更富層次酒味依然濃烈卻有清甜幽淡餘韻。當然每款雞尾酒用不同烈酒、水果調配，帶來嘅風味、衝擊也不一樣，為咗令客人更了解果釀烈酒本身嘅味道。

每一款雞尾酒也會奉上一小杯烈酒，調酒師稱之為「生命之水」，係為雞尾飲注入生命嘅泉源！

雞尾酒款式分別係經典雞尾酒，改用上果釀烈酒，亦有調酒師自家創作嘅系列 「Orchard’s Specials」（$125/杯），Tropical Punch有士多啤梨、粉紅石榴、菠蘿等熱帶風味，Bliss以布冧百蘭地作基調，配以斑蘭、橘子類，很清甜。

Normandy Highball以蘋果及啤梨帶嚟清新香味，Butter Me Up是干邑加香蕉，也有牛油及可可調味，味道有趣。

地址：中環結志街 28 號地下
電話：9881 1984