台慶頒獎禮︱王敏奕避談老爺曾志偉卸任傳聞：高層嘅嘢我唔清楚

《萬千星輝頒獎典2025》今晚舉行，王敏奕就以身穿吊帶閃鑽晚裝長裙，更突然升Cup，谷出澎湃上圍，甚有睇頭。講到上年榮獲最佳衣着獎，問到今年會否有壓力時？她坦言不會：「反而令我更加放心畀造型師搞，今晚套衫都係新嘗試，第一次着透視款，比較有女人味。」

對於外界瘋傳其老爺曾志偉將卸任TVB總經理一職，問到老爺是否有要事宣布？她表示：「等佢自己講啦，都聽到有人討論，佢呢幾年都幫到好多藝員，令公司士氣好好，好有正面影響，感謝佢為公司做咁多嘢，但作為家人想佢多啲休息同多啲時間去旅行，佢經常同我老公聯絡。（你係咪有獨家料？）唔知。（佢轉為顧問？）我只係小演員，呢啲咁高層嘅嘢我唔清楚。」又謂今年會一如以往安排家庭旅行，預計在農曆新年前後：「但未決定去邊，我都係跟隊，因為我要拍劇，睇吓有冇時間去到。」談到早前生日，她透露因為近期轉天氣而病倒，生日當天只在家中簡單吃飯慶祝，老公亦識做送上禮物，問到生日願望？她說：「最重要平安健康，年尾發生咗唔開心嘅悲劇，希望大家珍惜同鍾意嘅人相處嘅時間，快樂係今年最要嘅課題。」

東網網站 : https://on.cc/東網Facebook專頁 : https://www.facebook.com/onccnews/