姚樂怡爆TVB上位女星恃寵生驕得罪燈光師：惟獨佢面如死灰
前TVB藝人姚樂怡最近在內地的社交平台拍片分享在娛樂圈千萬不能得罪幕後，包括燈光、PA（助理編導）和化妝師，更大爆曾有一位TVB上位女藝人，因得罪燈光師而惟獨她出鏡時面如死灰。
姚樂怡在片中表示不能得罪燈光師，她說：「拍過一套劇有一個女主角，自己畀公司力捧，佢係人都鬧，得罪好多人。試過有一場戲佢就喺個盒拎首飾出嚟，咁燈光師就好細心打燈，因為要影住女主角隻手慢慢拎首飾，咁就等耐少少，佢就同燈光師講，其實死物嚟㗎啫，唔需要打得佢咁靚，打得咁靚會唔會幫套劇提高收視，不如慳返啲時間打我打得靚啲仲好啦。然後全場靜哂，之後有幾場戲同女主角同場，發現我哋啲皮膚打得好靚，惟獨係佢就面如死灰咁。」
姚樂怡又提到最怕導演助理給他們「大分屏（天地更）」，她解釋「大分屏」是代表即早上6點拍完第一場戲後，要等2小時後再拍另一場：「好多時如果你收到rundown係『大分屏』隔開你啲時間，我哋就會講笑話你得罪咗PA喇！」
當年在TVB拍劇的姚樂怡亦會記住電視台中哪個「梳頭、化妝」最叻及最唔叻，每次走進化妝間，都先留意比較厲害的人是否有空，「個個（藝人）都係咁」。她解釋「梳頭、化妝」在TVB工作時間長，某些演員又會把脾氣發在他們身上，並不好受。
View this post on Instagram
View this post on Instagram
撰文：機
留言 2