馬時亨 香港情｜梁家輝自細在戲院長大 親揭26歲封金像影帝真相

梁家輝原來講故仔好叻。

梁家輝作客明晚（13日）播出的無綫綜藝節目《馬時亨 香港情》，「講故仔」能力相當高的家輝，除親揭當年如何憑26歲之齡封金像獎影帝之謎，更會開心share與中國殿堂級演員劉曉慶合作點滴、當年何解被看中接拍《情人》躍身國際影壇、《監獄風雲》成功之道，及《東邪之毒》及《東成西就》兩套電影之間千絲萬縷的關係。

梁家輝BB仔嗰陣好可愛。

在節目中無所不談的家輝，一來即笑指自己是在現已結業的樂聲戲院長大：「我媽媽當年係樂聲戲院嘅接線生，我諗我滿咗月就喺嗰度大，到八歲都係喺戲院入面，間戲院我摸熟晒。」家輝續指當年在戲院中待得最多的地方竟然是女廁，「我成日俾人擺喺女廁，因為有女廁先有阿姨，又有張枱仔，咁我就俾人擺落個籃度。」又由於當年姨媽在同一戲院賣爆谷，故此定時定刻會被安排放於門口的爆谷機方便姨媽照顧，亦因利成便食住爆谷大。家輝還分享了小時候「暢遊」戲院畫房趣事，馬時亨聽畢忍不住笑言：「整定你入呢行！」

自小已與電影圈結緣的家輝，還在節目中兼任「主持」暢談電影史。家輝透露曾經盛極一時的「午夜場」，是當年用來「試水溫」的方法之一，電影人憑藉午夜場次地下的蔗渣數量以及爛櫈數目，便能預測一套電影是否受歡迎。

梁家輝接受馬時亨訪問。