聲秀｜馮熙燮意外跌入危險區 劉浩龍被爆有「腳趾驚恐症」

無綫歌唱大賽《聲秀》昨晚一集焦點，落在泳兒組的「最勇敢挑戰者」陳卓怡Hoonry身上，今輪比賽Hoonry選擇挑戰蘇永康組的「魔王級對手」馮熙燮Ryan，Hoonry說：「我揀咗一個我心入邊好強勁嘅對手，可以更加push到自己去攞最尖嘅嘢去打囉。」選唱《未知》的Hoonry，活力十足兼表情多多、舞台魅力爆燈，就連評判陳奐仁（Hanjin）亦跟著節奏打拍子！Ryan向難度挑戰演唱《用背脊唱情歌》。這場對壘另一特別之處，是Hoonry私下會以「媽咪」稱呼Ryan，皆因對方「係個好warm嘅人」。

對於Hoonry敢於挑戰「魔王級」Ryan，泳兒讚不絕口：「好欣賞Hoonry嘅guts」、「佢喺台上面係一種無懼，要佢去試咩就試出嚟畀你。」舒文則大讚2人唱得好，並坦言：「點撳都有啲內疚。」他特別讚Ryan：「係幾大膽嘅嘗試，再多啲用情緒出發都得。我係對Ryan呢把聲音好期望，睇佢點樣再發展。」

4位評判畀分後，Hoonry和Ryan各得兩燈打成平手，掌握最後關鍵的郭偉亮（Eric Kwok），選擇將燈給予Hoorny，並讚Hoonry有膽識：「我覺得個天會回報有膽識嘅人，因為『夠薑』喺我哋呢個世界愈嚟愈少。」最後Hoonry以3盞燈力壓Ryan，Ryan意外跌入危險區。

同樣感情要好的對戰學員，還有劉浩龍（師兄）組的林潔心Bibi，及胡鴻鈞（Hubert）組的周智敏Emily。

Bibi綵排期間透露選唱《16號愛人》對她來說有著特別意義：「入到呢個比賽先知道（自己）好差，我想要做好啲，令師兄有工返！」Bibi正式表演時，以特色聲線高音演繹《16號愛人》，表現亮眼，獲歌曲監製舒文大讚聲線有個人特色：「你把聲幾有Character。」雷有輝說：「聲線吸引咗我，廣東話味道變咗少少英文嘅感覺，反而令到嗰個廣東歌昇華咗。」

至於重新演繹《電燈膽》的Emily，則獲導師Hubert大讚：「Emily今日嘅演出係咁耐以來最好嘅一次！」最後Bibi以3比2勝出、Emily則跌入危險區。

另外，Bibi被師兄要求全白造型上陣，師兄要求Bibi傳相讓他看看白色手指甲，Bibi卻搞笑地傳了塗白了的腳趾甲相給師兄，劉浩龍憶述當時情况時，忍不住說：「但係你阿Sir最憎腳趾㗎！」Eric Kwok即「踩多腳」搞笑：「你應該真係好惜Bibi，因為你忍受唔到著呢種（露趾）鞋嘅女人！」

本集共有4位學員跌入危險區，分別為馮熙燮Ryan、胡港豐Andrew、周智敏Emily及徐惠晴Vanessa。下集將有餘下的4組進行對決，最終共會淘汰4名學員。

（即時娛樂）