《奇情谷》添食13集 的士司機講奇遇 大懵乘客漏低BB在後座

由導演火火、吳若希（Jinny）及曾展望（GM）主持的TVB Plus節目《奇情谷》，昨晚（6月30日）Jinny回歸節目擔任谷主，同時宣布節目添食13集。

昨晚一集主題為「的士奇情」，請來「奇情嘉賓」2位現職的士司機Longo及Alvin現身說法。節目開始火火及Jinny問起的士業界一些惡行如「撞車搵食黨」、「打燈踩油」等問題，藉機向兩位司機「大迫供」，非常搞笑。

Longo本身既是職業司機又是fb專頁版主，他分享一單有女乘客要求特殊服務的故事，他說︰「呢張單去親將軍澳嘅司機都成日見，話想向司機提供特別服務，仲有500元貼士。嗰時初初入行都好奇，張單係將軍澳去飛鵝山。嗰時成班朋友見到張單，派個勇士去試下。」

之後Longo跟對方互通電話，被詢問年齡同提供「尺寸」，他說︰「佢要我影相send畀佢，要有埋樣，我驚係詐騙所以無成事。」他笑言估計對方是肥妹仔，因為聲線有點「油膩」。

Longo表示遇過不少大懵乘客，最有趣是有趟有位媽咪帶初生BB到醫院覆診，竟將BB漏在後座，Longo離開後聽到BB喊聲才發現。另一單發生近清明節期間，有對中年夫婦帶金銀衣紙及兩罎水到港珠澳口岸，他說︰「佢哋落咗車漏咗兩罎水，跟住好緊張打嚟要我好好保管嗰兩罎水，話會畀返錢我。」Longe笑言兩罎看似普通的水可能是聖水，保管2星期，生意出奇好，最後交收時中年婦人說漏嘴透露該兩罎是「童子沐浴水」，即被老公阻止再講下去。

另外，Alvin講了一單平民版「偷食」事件，關於兩女一男的奇情事。有次Alvin於尖沙嘴接了兩女一男，從對話中得知兩女為閨密，坐在中間的女子跟男士為男女朋友。的士先駛到旺角，坐在中間的女士先下車，接住原本一左一右的男女，迅即黏在一起於車廂內纏綿，最後二人在沙田一屋苑下車，以超快速度上樓。

（即時娛樂）