研香銅鑼灣新店2025｜新開幕開心果咖啡買一送一！必試開心果牛角酥、早餐最平$42

更新於 06月13日18:16 • 發布於 06月12日19:59 • 香港人遊香港

研香銅鑼灣2025｜港島區新地標搶先睇！

研香粉絲們準備好未？本地人氣甜品店研香正式進駐港島區，銅鑼灣新店將於明日（6月6日）起正式開業！呢個消息對於一眾甜品控同咖啡迷嚟講，簡直係夠晒正！新店唔單止將營業時間擴展到早午晚餐同飯後甜品時段，讓你任何時間都食到研香嘅招牌美食，更會陸續推出 3 款全新夏日水果冰同超驚喜嘅開心果咖啡。開業期間仲有開心果咖啡買一送一同早餐組合低至 $42 起嘅超級優惠，快啲跟《香港人遊香港》一齊睇吓呢間銅鑼灣新店有咩玩有咩食，準備好去影到手軟同食到捧腹而回啦！

延伸閱讀

【名古屋近郊景點】鈴鹿賽車場2025｜1價錢即可任玩刺激賽車+過山車等30種設施！水上樂園開幕詳情

Chiikawa PARK 7月東京開幕！樂園門票+設施全攻略

Neway全新生日優惠！六月壽星全月免費任唱！唱足30日！

研香銅鑼灣新店地址曝光！全新用餐體驗！

繼沙田新城市廣場分店後，研香再將甜品版圖擴展至港島區核心地帶——銅鑼灣！呢間新店提供 48 個座位，設計沿用研香一貫嘅溫暖木色調，營造出一個舒適愜意嘅用餐環境。最正嘅係，新店嘅營業時間超級貼心，由早上 8 點一路開到凌晨 12 點，全年無休！無論你係趕住返工嘅上班族想歎個靚早餐，定係夜麻麻想搵個地方食飯後甜品，研香銅鑼灣店都滿足到你。呢個時間設置，絕對係區內居民同遊客嘅一大福音，隨時隨地都可以享受到研香嘅招牌滋味！

銅鑼灣開心果主題烘焙美食必試！

今次研香銅鑼灣店唔單止帶嚟招牌嘅精磨開心果露等自家研磨糖水，更首度將開心果系列融入烘焙食品同咖啡，真係未試過都想像到有幾吸引！必試嘅有全新嘅開心果法國牛油牛角酥 ($38)，使用法國牛油製作，香濃酥脆，入面夾住香濃意大利開心果醬，層次分明夠晒滿足。仲有開心果忌廉芝士抹茶鬆餅 ($32)、開心果豆腐花（$68）及 開心果巴斯克蛋糕（$48），各位開心果迷一定要試試！

當然唔少得新登場嘅開心果咖啡 ($48) 同開心果牛奶咖啡 ($48)，綿密香濃嘅意大利開心果泡泡配上香醇咖啡，呢種細膩享受絕對係夏日消暑恩物。