大灣區｜港男移居大灣區後大呻生活慘、投訴反被公安拉！賣樓離港後悔搬上國內：「自己當日太衝動」

大灣區｜近年香港政府及中國內地不斷發展「大灣區」，更非常落力向市民宣傳當地的「好」。的確在多方大力宣傳下，有唔少人選擇喺大灣區置業、工作甚至移居，不過到底當地生活係咪大家講咁好呢？日前就有位港男網上大呻生活慘！詳情係點？即刻睇睇！

撰文：海月｜圖片來源：LIHKG、TVB｜編輯：odin

大灣區｜港男移居大灣區後大呻生活慘

近年香港政府及中國內地不斷發展「大灣區」，更非常落力向市民宣傳當地的「好」。不過到底當地生活係咪大家講咁好呢？日前就有位港男網上大呻生活慘！

大灣區｜港男大呻大灣區生活慘：投訴反被警察拉

港男在一年前出售了香港的物業，之後就搬到大灣區佛山居住，雖然起初生活的確不錯，不過住落後就開現原來生活上遇上太多不習慣及問題，結果愈住愈後悔。例如港男在佛山定居後，發現所住當地物業雖然係「新樓 」，不過洗手間天花卻漏水漏到成個脹起。而且明明整棟大樓有200多個單位，但就只有10多個單位有人住，非常恐怖。而且打去管理公司投訴漏水時，結果卻被人反致電110找公安拉走，完全是有冤無路訴投訴無門！

港男亦提及另一移居大灣區後，唔少人搭公共交通工具都「唔會排隊」，上落車情況超級混亂。而港男亦提及上月因為避車而整親腰骨入院，不但上救護車要先俾錢至開車去醫院，之後醫生更表示要住院一個月。雖然醫生表示醫療費「有社保全包」，不過後來港男發現社保係每間醫院只保7日，最終決定轉醫院而避免付醫療費，不過轉院費就要自費。

雖然港男表示覺得自己當日太衝動而選擇離港，亦非常後悔搬上大灣區，希望出售自己在佛山的單位再回流香港住。

不過一眾網民就覺得港男其實可以喺佛山生活得更好，因為港男經已將香港樓房賣出，至少應該有數百萬揸手，就算喺佛山買咗新樓亦有一定剩落，所以只要肯努力工作一定可以過得很好。