🐉啟德體育園首個新春盛會｜維港海旁行年宵＋國際花車展＋消費獎賞

農曆新年就到，啟德體育園第一次搞「新春盛會」🎊，年宵、花車、舞龍醒獅、購物獎賞全部有齊，室內戶外都咁熱鬧，成家人一齊嚟就啱晒啦！

🌸 維港海濱首個年宵市集｜即日至2月16號 美食海灣見
體育園第一次喺美食海灣搞戶外年宵市集🌊，超過30個攤檔喺維港旁邊排開，一邊辦年貨一邊望住個海，chill住掃年貨真係第一次！

🌺 年花盆栽、手寫揮春、利是盲盒
🛍️ 文青手作、賀年糕點、烤魷魚、糖果零食
🍹 新派茶味雞尾酒、發財脆皮鹹豬手
仲有扭汽球🎈、臉繪🎨等親子活動，大人掃貨小朋友放電，一家大細都玩得開心！

同場啟德零售館室內都化身年宵市集，集合多個新春限定店同應節精品，室內外聯動，一連7日熱鬧氣氛唔停得🔥。

🎊 國際花車首度展出｜2月18至26號 年初二至初十
旅發局「國泰新春國際匯演之夜」嘅8架特色花車🚛💐，會喺2月18至26號（年初二至初十）首度移師體育園公開展覽！

2月18至19號（年初二至初三）仲有嚟自中國內地同國際嘅表演隊伍親臨體育園即場表演💃🕺，唔使同人逼都可以近距離睇到星級演出！

🐲 舞龍醒獅巡遊｜2月25號（年初九）氣勢登場
2月25號（年初九）舞龍醒獅隊會喺體育園大展身手，鑼鼓跳樁🦁🥁，氣勢十足，之後仲會喺啟德零售館入面大巡遊，向商戶同市民送祝福，好意頭呀🧧！

🎁 匯豐呈獻啟德展館｜賀年文創精品專區
匯豐呈獻啟德展館同步開放，有好多原創賀年精品，利是封🧧、揮春、家居擺設、時尚配飾應有盡有，由頭到腳、由內到外都換上新裝過新年✨！

💰 消費獎賞加碼｜購物優惠券＋迪士尼門票
新春期間啟德零售館仲加推多重消費獎賞🎟️，送出購物優惠券、香港迪士尼樂園門票🎢等驚喜禮遇，邊食邊買邊玩仲有獎賞，真係開心到笑😆！

👇 快啲約齊屋企人friend子，一齊嚟啟德迎春接福啦🧧🎊！

啟德體育園年宵市集
日期：即日至16日（年廿三至年廿九）
時間：2月13至16日 下午3時至晚上11時
地點：啟德體育園美食海灣

▼Follow Outsider Magazine
Instagram: https://www.instagram.com/outsider.mgz/