鄧小巧生日出碟別具意義 人生雞精全收錄 嚮往探險心態

今日（24日）生日的鄧小巧大豐收，除了推出新歌《轉彎到》，更推出入行以來首張個人大碟《My Story,Your Song》。小巧指大碟收錄了她這4年來的「人生雞精」，又謂平淡過生日就最滿足。

講到首張大碟，小巧笑說：「將4年入面嘅人生雞精，都擺咗喺呢隻碟，好多好多濃縮咗嘅精華。」她解說大碟名《My Story,Your Song》的意思，她說：「有啲歌係我親身經歷，有啲係身邊人嘅故事，然後我將呢啲故事變成咗歌，亦都覺得一啲歌迷，呢幾年聽呢啲歌嘅時候，承載住關於佢哋嘅回憶，所以係我嘅故事，變成咗佢哋嘅歌。」

生日出碟對小巧來說別具意義：「係最好嘅生日禮物。上次出Digital EP都係6月24號，真係好易記。」問到生日如何慶祝？她笑說：「咩都唔做，平平淡淡、安安靜靜咁過。」

除了大碟，今年推出的第2首新歌《轉彎到》亦同日上架，新歌帶出輕鬆人生觀：「人生好得意，你唔知轉彎會遇到咩風景，亦都唔知道下一個『然後』係會見到啲乜嘢。」小巧嚮往這種探險心態，她說：「抱住好奇心去探索，我覺得呢個都係我幾嚮往嘅生活方式。」

（即時娛樂）