周吉佩左耳曾剩僅3成聽力　張與辰潛水致耳發炎

歌手周吉佩與張與辰在葵涌為關懷弱聽人士舉行的慈善演唱會進行綵排。周吉佩指早年因感冒令左耳聽覺出現問題，當時有兩星期左耳聽力遲緩，只得3成聽力，加上容易感到頭暈，深切體會到聽障人士的感受，雖然隨後康復，但或許因為夾band多年，令兩邊耳朵聽力不平衡，左耳聽力明顯較差，自嘲是職業性失聰。

張與辰則透露參加節目《中年好聲音3》比賽前到台灣學習潛水，期間引致右耳發炎，出現聆聽模糊，最初也不知怎辦，慶幸隨後逐漸康復。問到會否因此不敢再潛水？他說：「又唔會，自己好鍾意潛水，只係冇時間去潛，同埋上次去台灣都未考到潛水牌，因為考救人嘅部分失敗咗。」

東網網站 : https://on.cc/東網Facebook專頁 : https://www.facebook.com/onccnews/