關嘉敏自爆「渣女」角色有根據　靈感來自初戀小三

近日憑人氣戀綜節目《女神配對計劃》人氣急升的關嘉敏（Carman）前晚（6日）在無綫新劇《麻雀樂團》中正式登場，飾演機心感滿滿的「挑機綠茶婊」。Carman以往亦有不少出色「渣女」角色，當中尤以《美麗戰場》中的「進擊的小三」圓圓最令人留下深刻印象，談到是次演綠茶婊，Carman接受官方訪問時坦言與自己真實性格相反，故相對以往演繹的「八婆」角色難度再升呢：「呢個角色內斂啲，要將八婆性格收埋少少，但同時又要表達到佢好想寸胡敏芝，所以好難拿捏。」為了投入角色，Carman更因而勾起了初戀遇到「挑機小三」的經歷：「我心入面係諗住我嘅初戀去做！因為我初戀嘅第三者就係一個咁樣表裏不一嘅人，所以我好彩有呢個經歷，我真係諗住嗰個人去做！」問到為何會知道有這樣一個小三存在，Carman續指：「嗰時個男仔聖誕節嗰日呃我出去踢波，其實就同呢個第三者出去食聖誕大餐。原本我諗住等佢踢完波，去睇場戲或者出吓街，但最後尾冇出到。咁原來我嘅初戀男友送咗份聖誕禮物畀個第三者，個第三者返到屋企影完相仲喺社交網Tag我，跟住又即刻刪咗張相。呢個女仔成日滲啲滲啲話畀我知佢嘅存在！如果佢唔係咁樣做，我都唔知…中間發生咗咁多嘢…係囉，所以好深刻。」

至於監製羅永賢受訪時則大讚Carman「生得夠高大」十分符合角色，單靠畫面已能呈現出她氣勢全面壓倒胡敏芝，又大讚Carman專業：「Carman就算冇對白嘅角色，都會好認真做，好似之前《破毒強人》，佢雖然只係飾演一個冇對白嘅殺手，但佢為咗演好個角色都有參與動作訓練，係好有鬥心嘅好演員。」

東網網站 : https://on.cc/東網Facebook專頁 : https://www.facebook.com/onccnews/