沙特公主被偷30個Hermes袋 嬲到要送去醫院 究竟損失總值幾多？

Hermes袋係唔少女士dream bag，簡單一個Birkin袋，已經要儲幾年錢先買到，更何況30個？早前一位沙特公主寓所被爆竊，被偷去30個Hermes珍藏版手袋，以及一批名牌奢侈品，公主得知後，嬲到暈咗要送去醫院，咁梗係啦，當你知個總值都應該即刻暈。

撰文：Easy｜圖片來源：Instagram@hermes.addict

沙特公主被偷30個Hermes袋

據外媒報導，這名沙特皇室公主喺法國巴黎寓所收集大量名牌單品，自從2020年8月到巴黎南部渡假後，近日再返回巴黎寓所時發現被偷去30個Hermes珍藏版手袋及大量奢侈品。奢侈品中除咗30個Hermes手袋，另有Cartier手錶、珠寶及皮草等，總值合共約60萬歐元（約港幣$6百萬），喺香港夠買一層約400呎單位。沙特公主得知被爆竊後，嬲到當場暈低，要送院治理。不過呢名沙特皇室公主想低調處理，所以冇向外間公開姓名。

據知情人士透露，案件懷疑與沙特公主男性友人有關，因為門口沒有被破壞痕跡，但後備鑰匙卻消失。想知邊個係犯人，咁就要拭目以待啦。

同埸加映

拜登戴Rolex勞力士手錶Datejust 網民笑指：拜登變拜金