Alina李靜蓮跑贏《造星3》十強參賽者 率先拍戲演女團

ViuTV大熱選秀節目《全民造星3》已播畢兩個多月，除了冠亞季軍Ben（趙祥誠）、陳葦璇同Ansonbean（陳毅燊）外，原來十強止步的Alina（李靜蓮）亦受《造星3》帶挈接拍了不少廣告，密密搵真銀，日前她出席活動時，更透露已接拍了一部新戲，成為《造星3》首位彈出拍戲的十強參賽者！

文：東方新地｜圖：李靜蓮IG圖片及ViuTV劇照

Alina李靜蓮 自認「死好命」

Alina日前出席活動時透露自己將於4月開拍一部新戲，她笑言：「詳情未Confirm，但係一套關於女團嘅電影，不過我之前農歷新年食得太多糕，肥到成隻豬咁，要喺部戲開拍之前努力減番佢！」

提到在《造星3》十強參賽者中率先跑出接拍新戲，Alina直認自己「死好命」，每次遇上難關時都會有轉機，她說：「好似上年疫情咁嚴重，都有《全民造星3》呢個機會突然出現，所以我成日覺得喺自己就嚟死嘅時候，都會有人幫我。」

恨孖Stanley組情侶檔

女團要又跳又唱，Alina表示雖然《造星3》已結束，但她仍有Keep住學唱歌，她笑言：「學唱歌對演戲都有幫助，因為我有好多懶音。男友（Mirror成員Stanley邱士縉）都有學，但佢最近忙緊拍劇。」

Alina直言受《造星3》帶挈多了不少廣告工作，她笑指金額足以彌補之前參加《造星3》時的使費。Alina又透露有8、9成機會同ViuTV簽約，她笑言若真能成事，可以嘗試與男友Stanley組成情侶檔搵真銀。