「東張」梁敏巧坐頭等冇畀錢　職員捉到正︰無面見人

有「東張女神」之稱，30歲的梁敏巧（Maggie），去年憑《女神配對計劃》人氣急升。早前到深圳搭地鐵，被乘客認出並拍下睡姿。而日前，她又在鐵路上發生事件，她自爆在乘搭東鐵回家吃團年飯時，選擇坐頭等，卻因為支付軟件問題，變成無付費而坐霸王車，更剛好遇上港鐵職員查票而「斷正」。事後梁敏巧在社交平台自爆這宗瘀事，更自言︰「好醜怪呀，只係因為無知我無面見人呀！」

事緣梁敏巧在年廿九當晚，正趕回家吃團年飯，平時以八達通App入閘的她，因為更換手機後，原有的八達通一直未能跟新電話聯接，於是改用Alipay。平時只坐普通卡的Maggie，當晚因為要回家吃團年飯，我持數袋年貨予雙親，加上當時有大量乘客，於是破例對自己好一點，坐頭等。

由於使用八達通坐頭等席，要在月台上的「頭等核准器」再拍一次作登記，梁敏巧亦依足規矩，亦感受到手機震動以為已確認，直到有職員上前查票，先知出事。「職員某個站就上車check票，就話我無畀錢啦，原來我先知坐頭等用Alipay畀的話，係要入閘前就要選定。」因為這個「無知」令自己非常尷尬。她續說︰「港鐵職員都好好，知我無知而放過我。我認樣衰㗎，真係好醜怪，好醜怪呀，只係因為無知我無面見人呀！」事後梁敏巧更笑言，因為自己貼地少坐頭等，才有這誤會，更提醒大家如用Alipay乘搭頭等，記得入閘前要揀定。