丁丁懶理網民提戀混血肥仔傳聞　表示想起歌詞：當佢無事

常常香港、英國兩邊走的YouTuber「混血肥仔」(曾達恩Tommy），早前被老婆「芊蕙子」指出軌女同事丁丁(丁彥均)，二人潛水一輪後，又被其他YouTuber在越南誤拍入鏡，令二人戀聞炒得更熱。就算二人澄清只是到越南工作，網民亦一於少理繼續鬧爆。

近日二人關係再成焦點，丁丁照常分享近況，不過留言就似乎想提醒自己要無視閒言閒語：「最近的精神狀態是圖5，吹呀吹讓這風吹，平常心面對，唔想面對就咪埋眼順便瞓個覺。諗起回魂夜首歌---成盤係血，當佢無事。」