哈利簡尼：2025最難忘的足球時刻是贏到德甲冠軍，呢份喜悅好難表達出嚟

💬今季為拜仁各項賽事24次上陣，攻入29個入波同交出3次助攻嘅🏴󠁧󠁢󠁥󠁮󠁧󠁿前鋒哈利簡尼最近德國天空體育訪問：

1️⃣嚟緊嘅歇冬期點樣過？

「我會將時間留俾屋企人，就好似聖誕節都會圍繞住佢哋，目的希望屋企人開心。我自己都幾鍾意打高爾夫球，因為打高爾夫球可以令自己放鬆。同時，我都會去健身室接受訓練，希望保持良好運動狀態同身體感覺。整體嚟講呢段時間首先留俾屋企人，之後先至配搭唔同運動😉。」

2️⃣有冇機會打破利雲度夫斯基單季德甲41個入波紀錄？

「我覺得係有可能，尤其係考慮到今季開局，但仲係一段漫長旅程。我一定要係嚟緊四至五個月保持呢個水平。足球入面最難嘅事，就係長期保持穩定。呢個紀錄係不可思議嘅紀錄，想打破佢就非常困難，我好清楚呢一點，但我覺得有目標係一件幾正嘅事🙂。」

3️⃣新一年有咩目標？

「我希望贏晒所有重要獎盃，作為一隊球隊，我哋希望係歐聯、德甲同埋德國盃都取得最大成功。自從我加盟拜仁之後，我哋仲未可以實現到，如果可以做到，將會係偉大成就。而出年夏天世界盃同樣令人興奮，如果我可以贏晒所有賽事，我將會係非常幸福嘅人☺️。」

4️⃣梅斯亞拿重返球隊嘅重要性

「梅斯亞拿重返球隊真係好，我覺得梅斯亞拿係球隊陣中其中一位最出色球員，戴維斯嘅情況都非常相似，呢種感覺好似球隊簽咗兩位好有價值嘅新球員。我真係好開心兩位重新返到球隊，兩位都係球隊戰術體系扮演非常重要角色，而且大家嘅默契可以話完美，兩位都為球隊帶嚟巨大幫助。不過，佢哋唔好俾自己太大壓力，最緊要恢復最好狀態🤓。」

▼Follow足球仁
Instagram: https://www.instagram.com/football_yern/