波波敷錯面膜皮膚敏感　打風出門去醫院睇急症

無綫藝人黃婧靈（波波）昨晚（20）在颱風「韋帕」襲港下，度過了一個難忘的打風日子。事緣她疑因敷錯面膜出現皮膚敏感問題，又因明天要進行拍攝，由於不欲影響工作下，雖然懸掛8號風球，但照樣出門到醫院睇急症。

她接受訪問時表示：「呢個打風日子真係好難忘，不過去到急症室係完全無人嘅，我可以獨霸急症室，等咗唔係好耐就可以睇醫生同埋攞藥，仲好快可以返屋企休息，事實證明香港人都係好健康嘅。（打風截到的士？）有呀，仲唔使加錢添先，我係幸福女神。」

她又說服藥後，敏感已迅速痊愈至8成，由於今日本是假期，加上打風不宜外出，所以會全日留在家中陪愛犬，又謂：「我食咗16、17隻炸雞翼，不過全部都要剝咗皮，要食得清淡啲，同埋今晚要9點瞓，抖足精神準備開工。」

東網網站 : https://on.cc/東網Facebook專頁 : https://www.facebook.com/onccnews/