Tyson Yoshi跟太太註冊　「程氏夫婦已簽署最新行政命令」

現年30歲的Tyson Yoshi（程浚彥）去年6月在加拿大個唱舞台上，向拍拖7年的女友Christy求婚成功，兩人將於今年7月於歐洲舉行婚禮。繼4月底上載「過大禮」儀式照後，今日Tyson再上載跟太太註冊成夫妻的相片，並寫下︰「程氏夫婦已簽署最新行政命令」

Tyson Yoshi曾經向傳媒透露，與Christy就籌備婚禮試過發生爭執，他自己希望化繁為簡，但女友就有某些堅持，最後如Christy所願，將在歐洲舉行婚禮，Tyson就負責設下預算讓Christy自由發揮。而從註冊相片可見，二人貫徹一切從簡。

Tyson Yoshi與Christy拍拖逾7年，他於2022年以其女友名字命名的歌曲《Christy》，MV點擊率至今已超過3200萬。大約3年前，有網民在社交平台公開挑剔Christy的外貌，Tyson Yoshi之後在直播中連環爆粗：「好樣衰？咁點呀？我鍾意呀！出名就要被人鬧？人紅是非多另一面係好，我都明，但呢件事上，我係作為站在男朋友的立場！你試吓行行吓街、拖拖吓手，突然有個幪面人話你好樣衰，之後有一大班唔知響邊條巷走出嚟嘅人，叫你企響度，辯論你個樣好唔好睇……睬你都傻啦！現實生活可以直接走！佢哋論點係討論區可以討論好多嘢，但保護身邊人都做唔到，點做男人！」