網上熱話｜夫婦疑不滿壽司郎等位太耐 爆粗大鬧店員影片網上瘋傳
肚餓時要排隊等位，急躁乃人之常情，但若然明知要排隊仍然大發脾氣的話，屬實有點講不過去。早前，網民在新蒲崗目擊一對夫婦因為壽司郎要等太耐，竟然口出狂言爆粗鬧店員，引來大批網民熱烈討論。
一家三口新蒲崗食飯 疑不滿排隊等太耐
早前，一條在壽司郎門口所拍攝的影片在網上瘋傳。據悉涉事分店是位於新蒲崗Mikiki商場內的壽司郎，當日疑似有一對夫婦因等位等太耐而不滿，大鬧店員「淨係肯放兩人枱，搞到佢哋一家三口等咗一個鐘都冇得食」。
爆粗大鬧壽司郎店員
片中夫婦脾氣極度暴躁，丈夫聽到店員「報飛號」後開始不滿，不斷向翹晒手的妻子表示「咁使乜排隊呀！」、「500幾啦，X你老X，你唔X（火）滾呀！」而同場妻子則叉起雙手冷笑回應。發文者指片中丈夫曾「篤店員額頭」，但片中就未有見到此片段。
網民鬧爆：以為誰大誰惡誰正確？
據悉，拍片者是一名孕婦，而片中夫婦發現被拍片後，「兩位仲報警迫人del片，拍返人哋片轉頭兇X人」，女方更「一路挑釁我『好正義呀？』『玩大佢囉』，我一直都冇出聲回應，只係雙手護肚……我稱唔上係正義，但係我相信有質素嘅香港人都知道，惡唔係大晒」。片段引來大批網民熱議，不少網民狠批「西人真係有樣睇」、「大把呢啲人，唔滿意又要食」，「呢兩條友恰個叫number嘅𡃁仔，第一次食壽司郎咩，得返bar枱緊係叫1-2人入㗎啦，咁唔等得唔好食吖嘛。」而發文者自己亦直斥「咁想食唔識早啲訂位」、「你個仔有你呢對父母真係前途無量」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)